A d v e r t i s e m e n t With Us

သမ္မတ ရာထူးကဆင်းပေးရန် မာလီ ပြည်သူများ ဆန္ဒပြ

မာလီနိုင်ငံရဲ့ မြို့တော် ဘာမာကိုက လမ်းတွေပေါ်မှာ ထောင်ချီတဲ့လူတွေ သြဂုတ် ၁၁ ရက်က ချီတက်ရင်း သမ္မတရာထူးကနေ ဆင်းပေးဖို့ ထပ်တောင်းဆိုဆန္ဒပြခဲ့ကြပါတယ်။ နိုင်ငံရေး အကျပ်အတည်းကို ဖြေရှင်းဖို့ နိုင်ငံတကာက ကြားဝင်ဖျန်ဖြေခဲ့ပေမယ့် အတိုက်အခံ ညွန့်ပေါင်းအဖွဲ့ ဦးဆောင်တဲ့ ဆန္ဒပြပွဲတွေ ဇွန်လကတည်းက ဖြစ်ပွားနေတာပါ။ ဇူလိုင်လမှာတော့ တင်းမာမှုတွေ အရှိန်တက်လာပြီး ရဲတွေပစ်ခတ်လို့ ဆန္ဒပြသူ ၁၁ ယောက်ထက်မနည်း သေဆုံးခဲ့ပါတယ်။ မတည်မငြိမ်ဖြစ်နေတာ အချိန်ကြာလာပြီမို့ ဒေသတွင်း အစ္စလာမစ် အစွန်းရောက်တွေကို တိုက်ဖျက်ရေးအတွက် လမ်းချော်မှာကို ဒေသတွင်း အင်အားကြီးနိုင်ငံတွေက စိုးရိမ်နေပါတယ်။ အစ္စလာမစ် အစွန်းရောက်အုပ်စု အတော်များများကလည်း မာလီနိုင်ငံမှာ အခြေစိုက်ပြီး သူတို့ရဲ့ပိုင်နက်တိုးချဲ့လာလို့ လတ်တလောလတွေအတွင်း တိုက်ခိုက်မှုတွေ တိုးလာနေပြီး မာလီနိုင်ငံအလယ်ပိုင်းမှာ  တိုင်းရင်းသားတွေအကြား တင်းမာမှု တိုးလာနေပါတယ်။  သမ္မတရဲ့ သားဖြစ်သူက လွှတ်တော် ကာကွယ်ရေးနဲ့ လုံခြုံရေးကော်မတီဥက္ကဋ္ဌ ရာထူးကနေ ဇူလိုင်လက ဆင်းသွားပေမယ့် သူ့ရဲ့သြဇာကြီးမှုက ဆက်လက် ကျန်နေပါသေးတယ်။ အတိုက်အခံတွေကတော့ ဒီအချက်ကိုထောက်ပြီး ခရိုနီဝါဒ အစိုးရလို့ စွပ်စွဲခဲ့ကြပေမဲ့ အစိုးရကတော့ စွဲချက်ကို ငြင်းဆိုထားပါတယ်။ 

A d v e r t i s e m e n t With Us

More News
Up