အပြည်ပြည်ဆိုင်ရာ လူငယ်များနေ့ ၂ မိနစ်စာ ဗွီဒီယိုပြိုင်ပွဲဆုရလူငယ် ၄ ဦးထွက်ပေါ် (ရုပ်သံ)
DVB
·
August 11, 2020
အပြည်ပြည်ဆိုင်ရာ လူငယ်များနေ့ အထိမ်းအမှတ် ၂ မိနစ်စာ ဗီဒီယိုပြိုင်ပွဲမှာ ပါ ဝင်ယှဉ်ပြိုင်ကြဖို့ ကုလသမဂ္ဂလူဦးရေရန်ပုံငွေအဖွဲ့(UNFPA)က ဖိတ်ခေါ်ခဲ့ပြီး ဆုရရှိကြသူ လူငယ် ၄ ယောက် ထွက်ပေါ်လာခဲ့ပါတယ်။
ကုလသမဂ္ဂလူဦးရေရန်ပုံငွေအဖွဲ့ (UNFPA)ရဲ့ ဖေ့စ်ဘွတ်ခ်အင်တာနက်လူမှုကွန်ရက်ပေါ်မှာ ဖော်ပြထားခဲ့တာဖြစ်ပြီး ပထမဆုကိုတော့ Bor Sp ၊ ဒုတိယဆုကို Jho ၊ တတိယဆုကိုတော့ Laphai Sut Awng နဲ့ Chit Noe Ko Ko တို့က ပူးတွဲရရှိသွားခဲ့ကြတာ ဖြစ်ပါတယ်။
အခုနှစ်ရဲ့ အပြည်ပြည်ဆိုင်ရာ လူငယ်များနေ့ ဆောင်ပုဒ်- “လူငယ်ထု၏ ပေါင်းစည်းအား ကမ္ဘာ့ဘေးများတိုက်ဖျက်သွား”နဲ့အညီ လူငယ်တစ်ယောက်အနေနဲ့ ကိုယ့်ရပ်ရွာနဲ့ လူထုအကျိုးပြု လုပ်ဆောင်ချက်တွေ၊ လူငယ့်စွမ်းအားနဲ့ လူငယ့်အသံတွေကို အများသိအောင် တီထွင်ဆန်းသစ်တဲ့ တင်ဆက်မှုတွေနဲ့ ရိုက်ကူးယှဉ်ပြိုင်ကြဖို့ ဖိတ်ခေါ်ထားခဲ့တာ ဖြစ်ပါတယ်။
ပြိုင်ပွဲဝင်လူငယ်တွေအနေနဲ့ အသက် ၁၈ နှစ်ကနေ ၃၅ နှစ်ကြား ရှိရမှာဖြစ်ပြီး ပြိုင်ပွဲဝင်သူတွေထဲက တီထွင်ဆန်းသစ်မှု၊ ဆွဲဆောင်နိုင်မှုတွေအပေါ် အခြေခံပြီး ပထမ၊ ဒုတိယ၊ တတိယဆုတွေ ရွေးချယ်ပြီး ဆုကြေးတွေအနေနဲ့ကတော့ ပထမဆု ကျပ် ၅ သိန်း၊ ဒုတိယဆု ကျပ် ၄ သိန်း၊ တတိယဆု ကျပ် ၃ သိန်းစီ ချီးမြှင့်ပေးအပ်သွားမှာ ဖြစ် ပါတယ်။
ဆုရရှိသွားကြတဲ့ လူငယ် ၄ ယောက်ရဲ့ တင်ဆက်မှု ရုပ်သံဗွီဒီယိုတွေကိုတော့ အောက်ဖော်ပြပါ လင့်ခ်တွေကတဆင့် ကြည့်ရှုနိုင်မှာဖြစ်ပြီး ဒီနေ့ ဩဂုတ် ၁၁ ရက်မှာတော့ ကုလသမဂ္ဂ လူဦးရေရန်ပုံငွေအဖွဲ့ (UNFPA) ရဲ့ ဖေ့စ်ဘွတ်ခ်အင်တာနက်လူမှုကွန်ရက်ပေါ်မှာ တိုက်ရိုက်လိုက်ဖ် တင်ဆက်ပေးသွားမယ်လို့ ဖော်ပြထားပါတယ်။
ပထမဆု - Bor Sp
https://www.facebook.com/bor.sp.7/videos/10163853964710263/
ဒုတိယဆု - Jho
https://www.facebook.com/abfcd.uefgd/videos/2594734400855212/
တတိယဆု - Laphai Sut Awng
တတိယဆု - Chit Noe Ko Ko
