တပ်မတော်သား ၁၃ ဦးအပါအဝင် မြန်မာ ၁၇၄ ဦးကို ကယ်ဆယ်ရေးလေယာဉ်ဖြင့် ပြန်ခေါ်

ပါကစ္စတန်နိုင်ငံ မြန်မာစစ်သံရုံးက တပ်မတော်သား ၁၃ ဦးအပါအဝင် ပြည်ပနိုင်ငံတွေမှာ အခက်အခဲကြုံတွေ့နေရတဲ့ မြန်မာနိုင်ငံသား ၁၇၄ ဦးကို ကယ်ဆယ်ရေးလေယာဉ်နဲ့ ပြန်လည်ခေါ်ဆောင်ခဲ့တယ်လို့ နိုင်ငံခြားရေးဝန်ကြီးဌာနက ထုတ်ပြန်ပါတယ်။ ပါကစ္စတန်နိုင်ငံ၊ မြန်မာစစ်သံရုံးက တပ်မတော်သား ၁၃ ဦး၊ ဘာရိန်းနိုင်ငံက  ၂ ဦး၊ ယူအေအီးနိုင်ငံက ၁၀၉ ဦး၊ ကူဝိတ်နိုင်ငံက ၈ ဦး၊ အီဂျစ်က ၁၀ ဦး၊ တူရကီက ၅ ဦး၊ ဆိုက်ပရပ်စ်က ၂ ဦး၊ ပနားမားက ၁ ဦး၊ မော်လဒိုက်က ၉ ဦး၊ ဘရာဇီးက ၄ ဦး၊ တောင်အာဖရိကက ၄ ဦး၊ အီတလီက ၂ ဦး၊ အီရန်က ၂ ဦး၊ ဆွစ်ဇာလန်က ၁ ဦး၊ ယူဂိုဆလားဗီးယားက ၁ ဦး၊ ဂျာမနီက ၁ဦး၊ မြန်မာနိုင်ငံသား စုစုပေါင်း ၁၇၄ ဦးတို့ကို ကယ်ဆယ်ရေးလေယာဉ်နဲ့ ခေါ်ဆောင်ခဲ့တာဖြစ်ပြီး ဒီနေ့မနက် ၁ နာရီမှာ ရန်ကုန်အပြည်ပြည်ဆိုင်ရာလေဆိပ်ကို ရောက်ရှိခဲ့ကြတာပါ။ သူတို့ကို ကျန်းမာရေးစိစစ်ပြီး ၂၁ ရက်တာ အသွားအလာ ကန့်သတ်နေထိုင်ရေး စီစဉ်ပေးသွားမယ်လို့ ဆိုပါတယ်။ ကိုဗစ်-၁၉ ကပ်ရောဂါကာလ ပြည်ပနိုင်ငံတွေမှာ အခက်အခဲကြုံတွေ့နေရတဲ့ မြန်မာနိုင်ငံသားတွေကို ပြန်လည်ခေါ်ဆောင်ခဲ့တာ ဒီနေ့မနက်ပိုင်းအထိ စုစုပေါင်း ၁၀,၀၁၄ ဦးရှိပြီလို့ နိုင်ငံခြားရေးဝန်ကြီးဌာနက ထုတ်ပြန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up