ကိုဗစ်ကြောင့်ရွှေ့ဆိုင်းခဲ့ရသည့် The Voice Myanmar Season 3 ပြန်လည်ကျင်းပမည်(ရုပ်သံ)

    မြန်မာနိုင်ငံမှာ ကျင်းပနေတဲ့ နာမည်ကြီး သီချင်းဆိုပြိုင်ပွဲတွေထဲက တခုဖြစ်တဲ့ The Voice Myanmar Season 3 ကို လာမယ့် ဩဂုတ်လ ၂၃ ရက်နေ့မှာ စတင်ပြီးတော့ ထုတ် လွှင့်တော့မှာ ဖြစ်ပါတယ်။ အခုနှစ်ရဲ့ Season 3 မှာ ဝင်ရောက်ယှဉ်ပြိုင်လိုသူတွေကိုတော့ ပြီးခဲ့တဲ့နှစ် နိုဝင် ဘာလ ၁၀ ရက်နေ့ကတည်းက Online Audition လျှောက်လွှာတွေ ခေါ်ယူထားခဲ့တာ ဖြစ်ပြီး ဧပြီလဆန်းမှာ ထုတ်လွှင့်ဖို့ ကြေညာထားခဲ့ပေမယ့် လတ်တလောဖြစ်ပွားနေဆဲ ကိုဗစ်- ၁၉ ကပ်ရောဂါကြောင့် ရက်အကန့်အသတ်မရှိ ရွှေ့ဆိုင်းခဲ့ရတာ ဖြစ်ပါတယ်။        ပြိုင်ဆိုင်မှုပြင်းထန်တဲ့ ပြိုင်ပွဲတခုဖြစ်တဲ့ The Voice Myanmar သီချင်းဆိုပြိုင်ပွဲမှာ မနှစ်ကတော့ တခြားထင်ရှားတဲ့ သီချင်းဆိုပြိုင်ပွဲတွေဖြစ်တဲ့ The Best Of Melody World၊ အိပ်မက်ဆုံရာ၊ The X Factor Myanmar စတဲ့ ပြိုင်ပွဲတွေမှာ ပါဝင်ယှဉ်ပြိုင်ပြီး အတွေ့အကြုံရှိ၊ ဆုတွေ ရရှိထားခဲ့တဲ့ ပြိုင်ပွဲဝင်တွေ အများစုပါဝင်နေပြီး အကြိတ်အနယ် ရှိနေကြတာကို တွေ့ရပါတယ်။        ဒီပြိုင်ပွဲမှာတော့ Blind Audition၊ Battle Round၊ KnockOut Round၊ Liveshow နဲ့ Semi Final အဆင့်စတဲ့ ပြိုင်ပွဲအဆင့်တွေကို ပြိုင်ပွဲဝင်တွေက အကြိတ်အနယ် ဖြတ်ကျော်ပြီးမှ နောက်ဆုံး ဖိုင်နယ်အဆင့်ကို ရောက်ရှိတာ ဖြစ်ပါတယ်။        မနှစ်က Season 2 မှာတော့ ကျားပေါက်၊ R.ဇာနည်၊ ရန်ရန်ချန်းနဲ့ နီနီခင်ဇော်တို့ က Coach တွေအနေနဲ့ ပါဝင်ခဲ့ကြပြီး ပြိုင်ပွဲဝင် နိုဗန်ထူး၊ ဟေဇယ်လ်၊ ပေါလ်အော်စ တင်နဲ့ မယ်လိုဒီခေါင်တို့က နောက်ဆုံးအဆင့်ထိ ရောက်ရှိလာခဲ့ကြပြီး ပြိုင်ပွဲတလျှောက် ရော့ခ် မက်တယ်လ်သီချင်းတွေနဲ့ အစွမ်းပြယှဉ်ပြိုင်ခဲ့သူ နိုဗန်ထူးက ဆုရရှိသွားခဲ့တာပါ။ မြန်မာနိုင်ငံမှာ ပထမဆုံးအကြိမ်အဖြစ် ကျင်းပတဲ့ The Voice Myanmar Season 1 သီချင်းဆိုပြိုင်ပွဲမှာလည်း Winner ဆုရှင်ဟာ Coach လင်းလင်းရဲ့ အဖွဲ့ထဲက အမျိုး သား ပြိုင်ပွဲဝင် ငွေစိုးက ရရှိခဲ့တာမို့ နိုဗန်ထူးဟာ ဒုတိယမြောက် ဆုရရှိတဲ့ အမျိုးသား ပြိုင်ပွဲဝင် Winner တယောက်ဖြစ်လာခဲ့တာပါ။ အခုလာမယ့် Season 3 သီချင်းဆိုပြိုင်ပွဲမှာတော့ ဒိုင်တွေအနေနဲ့ ဘယ်သူတွေက ထပ်မံပါဝင်လာမလဲ၊ ဘယ်လိုရွက်ပုန်းသီး အနုပညာရှင်တွေ ထွက်ပေါ်လာမလဲဆိုတာကို တော့ စောင့်မျှော်ကြည့်ရှုကြရမှာပဲ ဖြစ်ပါတယ်။ The Voice Myanmar Season 3 ပြိုင်ပွဲ ရုပ်သံထုတ်လွှင့်မှုကိုတော့ အပတ်စဉ် တနင်္ဂနွေနေ့တိုင်း ၈.၄၅ နာရီမှာ MRTV-4 ရုပ်သံလိုင်းကနေ ထုတ်လွှင့်ပြသသွားမှာ ဖြစ် ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up