ဓာတ်ခွဲနမူနာ ၉၁၅ ခုတွင် ကိုဗစ်-၁၉ ရောဂါပိုးမတွေ့
DVB
·
August 2, 2020
သြဂုတ် ၁ ရက်နေ့အတွက် ဓာတ်ခွဲနမူနာ ၉၁၅ ခုအား နှစ်သုတ်ခွဲ စစ်ဆေးချက်အရ ကိုဗစ်-၁၉ လူနာသစ် မတွေ့ရှိဘူးလို့ ကျန်းမာရေးနဲ့ အားကစားဝန်ကြီးဌာနက ဒီနေ့မနက် ထုတ်ပြန်ပါတယ်။
ဆေးသုတေသနဦးစီးဌာနက ဓာတ်ခွဲနမူနာ အခု ၅၀၀ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး) က ၁၄၅) ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်) က အခု ၂၇၀၊ ဓာတ်ခွဲနမနူ စုစုပေါင်း ၉၁၅ ခုအား စစ်ဆေးခဲ့တာပါ။
မြန်မာနိုင်ငံမှာ ဒီနေ့မနက်ပိုင်းအထိ ကိုဗစ်-၁၉ အတည်ပြုလူနာ ၃၅၃ ဦး၊ သေဆုံးသူ ၆ ဦး၊ ရောဂါပိုးကင်းစင်လာသူ ၂၉၇ ဦးထဲက ဆေးရုံမှ ဆင်းခွင့်ပြုခဲ့ပြီးသူ ၂၈၁ ဦးနဲ့ စောင့်ကြည့်လူနာအသစ် ၁၇ ဦးရှိပါတယ်။
ကမ္ဘာတဝန်းမှာတော့ ဒီနေ့မနက်ပိုင်းအထိ ကိုဗစ်-၁၉ အတည်ပြုလူနာ ၁၈ သန်းကျော်၊ သေဆုံးသူ ၆၈၈၀၀၀ ကျော်နဲ့ ရောဂါပိုးကင်းစင်လာသူ ၁၁ သန်းကျော် ရှိပြီလို့ သိရပါတယ်။