လီဗာပူး နောက်ခံလူ လိုဗရန် ရုရှားကလပ် ဇင်းနစ်ဆီ ၃ နှစ်စာချုပ်ဖြင့် ပြောင်းရွှေ့

လီဗာပူးနောက်ခံ ကစားသမား လိုဗရန်ဟာ ရုရှားကလပ် ဇင်းနစ်အသင်းဆီကို ၃ နှစ်စာချုပ်နဲ့ ပြောင်းရွှေ့သွားပါတယ်။  အသက် ၃၀ အရွယ် ခရိုအေးရှားနောက်ခံလူ လိုဗရန်ဟာ ဗန်ဒိုက်၊ မာတစ်နဲ့ ဂျိုးဂိုမက်ဇ်တို့ ရှိနေတဲ့ ဗဟိုခံစစ်နေရာမှာ ပွဲထွက်ခွင့်နည်းပါးခဲ့ပြီး အခုနှစ်ရာသီမှာ ပြိုင်ပွဲစုံ ၁၅ ပွဲပဲ ကစားခဲ့ရပါတယ်။  လိုဗရန်ဟာ ၂၀၁၄ ခုနှစ်က ဆောက်သမ်တန်ကနေ ပြောင်းရွှေ့လာခဲ့တာဖြစ်ပြီး အသင်းအတွက် စုစုပေါင်း ၁၈၅ ပွဲ ကစားပေးခဲ့ပြီး ၈ ဂိုး သွင်းခဲ့ပါတယ်။  ပြောင်းရွှေ့ကြေးကို နှစ်သင်းစလုံးက ထုတ်ပြန်ကြေညာခြင်းမရှိပေမယ့်လည်း ပေါင် ၁၁ သန်း ဖြစ်တယ်လို့ ဗြိတိန်မီဒီယာတွေက ဖော်ပြပါတယ်။ ဇင်းနစ်အသင်းမှာ အခုနှစ် ရုရှားလိဂ်မှာ ချန်ပီယံဆုဖလားကို ကာကွယ်နိုင်ခဲ့ပြီး ၆ ကြိမ်မြောက် ရရှိခဲ့ပါတယ်။  လိုဗရန်ဟာ လီဗာပူးနဲ့ ၄ နှစ်ကြာကာလအတွင်းမှာ ပရီးမီးယားလိဂ်ချန်ပီယံဆု ရခဲ့သလို ဥရောပချန်ပီယံလိဂ်၊ ဥရောပစူပါဖလားနဲ့ ကမ္ဘာ့ကလပ် ချန်ပီယံဆုဖလားတွေလည်း ရယူနိုင်ခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up