A d v e r t i s e m e n t With Us

လက်စတာတိုက်စစ်မှူး ဗာဒီ အသက်အကြီးဆုံး ဂိုးသွင်းဘုရင်အဖြစ် မှတ်တမ်းဝင်

လက်စတာတိုက်စစ်မှူး ဂျေမီဗာဒီဟာ ပရီးမီးယားလိဂ်သမိုင်းမှာ အသက်အကြီးဆုံး ဂိုးသွင်းအများဆုံး ကစားသမားအဖြစ် မှတ်တမ်းဝင်ခဲ့ပါတယ်။  ဗာဒီဟာ မန်ယူနိုက်တက်နဲ့ မနေ့ညကပွဲစဉ်မှာ ဂိုးမသွင်းနိုင်ခဲ့ပေမဲ့ ပရီးမီးယားလိဂ်ဂိုးသွင်းအများဆုံး ရွှေဖိနပ်ဆုကို သွင်းဂိုး ၂၃ ဂိုးနဲ့ ရရှိခဲ့ပါတယ်။  ပရီးမီးယားလိဂ် နောက်ဆုံးပွဲစဉ်မှာ အာဆင်နယ်တိုက်စစ်မှူး အူဘာမီယန်းနဲ့ ဆောက်သမ်တန်က ဒယ်နီအင့်တို့က  ဂိုးထပ်သွင်းခဲ့ကြပေမဲ့ ၂၂ ဂိုးစီနဲ့  ဗာဒီရဲ့နောက် ဒုတိယနေရာမှာ ရပ်တည်ခဲ့ကြတာပါ။  ၂၀၀၉-၂၀၁၀ ဘောလုံးရာသီက ချဲလ်ဆီးတိုက်စစ်မှူး ဒရော့ဘာက အသက် ၃၂ နှစ်အရွယ်နဲ့  ဂိုးသွင်းဘုရင်ဆုရခဲ့ပြီး အသက်အကြီးဆုံး သွင်းဂိုးအများဆုံးကစားသမားအဖြစ် မှတ်တမ်းတင်ထားတာပါ။  အခုနှစ်ရာသီမှာ ဒရော့ဘာရဲ့ မှတ်တမ်းကို အသက် ၃၃ နှစ်ရှိ ဗာဒီက ကျော်ဖြတ်ခဲ့တာဖြစ်ပါတယ်။  ဒဏ်ရာပြဿနာသိပ်မရှိခဲ့တာက ဂိုးသွင်းဘုရင်ဆုရဖို့အတွက် အထောက်အကူဖြစ်စေခဲ့ပြီး အသင်းဖော်တွေ အားလုံးရဲ့ ပံ့ပိုးမှုကြောင့်သာ ဆုရရှိခဲ့တာလို့ ဗာဒီကပြောပါတယ်။  ဗာဒီဟာ ပြီးခဲ့တဲ့နှစ်အောက်တိုဘာ ၂၆ ရက်က ကစားခဲ့တဲ့ ဆောက်သမ်တန်ကို ၉ ဂိုး ဂိုးမရှိနဲ့ အနိုင်ရတဲ့ပွဲမှာ ဟတ်ထရစ်သုံးဂိုးသွင်းခဲ့ပြီး ပရီးမီးယားလိဂ် ၃၅ ပွဲကစားခဲ့ရာမှာ ၂၃ ဂိုးရခဲ့တာဖြစ်ပါတယ်။ 

A d v e r t i s e m e n t With Us

More News
Up