စက်မှုဇုန်များကို အချိန်ပိုင်း မီးပြန်ပေးမည်
DVB
·
May 31, 2013
၂၄ နာရီလုံးလုံး လုံးဝ လျှပ်စစ်မီး ဖြတ်တောက်ထားတဲ့ ရန်ကုန်တိုင်းအတွင်းက စက်မှုဇုန် တွေကို ဇွန် ၁ ရက်နေ့ကစ အချိန်ပိုင်းနဲ့ မီးပြန်ပေးတော့မယ်လို့ တိုင်းလျှပ်စစ်ဓာတ်အားပေးရေး ကော်မတီဥက္ကဋ္ဌ ဦးအောင်ခိုင်က ဒီဗွီဘီကို အတည်ပြုပြောဆိုပါတယ်။
စက်မှုဇုန်က စက်ရုံတွေကို မနက် ၇ နာရီကနေ နေ့လယ် ၁၂ နာရီ၊ နေ့လယ် ၁၂ နာရီကနေ ညနေ ၅ နာရီအထိ အချိန် ၂ ပိုင်းခွဲခြားပြီး တနေ့ ၅ နာရီ လျှပ်စစ်မီးပေးမယ်လို့ ကြေညာထားပါတယ်။ မြို့တွင်းက ပါဝါမီတာနဲ့ သုံးတဲ့ လုပ်ငန်းတွေကိုတော့ ညနေ ၄ နာရီကနေ ည ၁၁ နာရီအကြား မီးဖြတ်တောက်ထားမှာ ဖြစ်ပါတယ်။
ပြီးခဲ့တဲ့ရက်ပိုင်းအတွင်း စက်မှုဇုန်တွေကို လျှပ်စစ်မီးပေးရေးဆွေးနွေးပွဲမှာ ရန်ကုန်တိုင်း ၀န်ကြီးချုပ် ဦးမြင့်ဆွေအပါအ၀င် သက်ဆိုင်ရာအာဏာပိုင်တွေဘက်က လျှပ်စစ်မီတာခ တိုးမြှင့်ရေး ဆွေးနွေးခဲ့ကြပေမယ့် တရားဝင် တစုံတရာ ထုတ်ဖော်ပြောဆိုဖို့ ငြင်းဆိုပါတယ်။