မကွေးတိုင်း ဝန်ကြီးချုပ် ဒေါက်တာအောင်မိုးညို ဝင်ပြိုင်မည်
1K
၂၀၂၀ နိုဝင်ဘာလ ၈ ရက်နေ့ကျင်းပမယ့် အထွေထွေရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်ကိုယ်စားပြုဝင်ရောက်ယှဉ်ပြိုင်မယ့် မကွေးတိုင်းဒေသကြီးက လွှတ်တော်ကိုယ်စားလှယ်လောင်းစာရင်းကို အန်အယ်လ်ဒီပါတီက ဒီကနေ့ ဇူလိုင် ၂၃ ရက်မှာ ထုတ်ပြန်ကြေညာလိုက်ပါတယ်။
မကွေးဒေသကြီး ဝန်ကြီးချုပ် ဒေါက်တာအောင်မိုးညိုက ပွင့်ဖြူ မဲဆန္ဒနယ် အမှတ် (၁) ကနေ မကွေးတိုင်းဒေသကြီး လွှတ်တော်အတွက် ဝင်ရောက်ယှဉ်ပြိုင်မှာဖြစ်သလို အန်အယ်လ်ဒီ ဗဟိုအလုပ်အမှုဆောင်အဖွဲ့ဝင် ဦးအောင်ကြည်ညွှန့်က အမျိုးသားလွှတ်တော် မဲဆန္ဒနယ် အမှတ် (၆) ကနေ ဝင်ပြိုင်မှာဖြစ်ပါတယ်။
