A d v e r t i s e m e n t With Us

ဘင်္ဂလားဒေ့ရှ်တွင် လူ ၂ သိန်းကျော် ရေဘေးသင့်

ဘင်္ဂလားဒေ့ရှ်နိုင်ငံမှာ မုတ်သုံမိုးကြောင့် ရေဘေးသင့်နေတဲ့ နေရာအစိတ်အပိုင်းတွေမှာ လူ ၂ သိန်းကျော်ဟာ ရေဘေးကနေ ထွက်မပြေးနိုင်ဘဲ သောင်တင်နေတယ်လို့ ဇူလိုင် ၁၉ ရက် ရိုက်တာ သတင်းမှာ ဖော်ပြထားပါတယ်။ ဒီသီတင်းပတ်အစောပိုင်းမှာ ထောင်သောင်းချီတဲ့ လူတွေ ရေဘေးသင့်ခဲ့သလို စိုက်ပျိုးမြေ ဟက်တာထောင်ချီလည်း ရေနစ်မြုပ်နေတယ်လို့ အရာရှိတွေက ပြောပါတယ်။ လာမယ့်ရက်တွေမှာ အကျပ်အတည်းက ပိုဆိုးလာမယ် မျှော်လင့်ထားတယ်လို့ ကပ်ဘေး စီမံခန့်ခွဲရေးအရာရှိတယောက်က ပြောပါတယ်။ အိမ်နီးချင်း အိန္ဒိယနိုင်ငံ အာသံပြည်နယ်မှာလည်း မိုးကြီးလို့ လူ ၄ ဒသမ ၁ သန်း ရေဘေးသင့်နေနိုင်တယ်လို့ နိုင်ငံတကာ ကြက်ခြေနီနဲ့ လခြမ်းနီအဖွဲ့ကြီးတွေက ခန့်မှန်းထားပါတယ်။ တရုတ်နိုင်ငံ တိဘက်ဒေသက မြစ်ဖျားခံပြီး အိန္ဒိယနဲ့ ဘင်္ဂလားဒေ့ရှ်နိုင်ငံတွေထဲ ဖြတ်စီးတဲ့ ဗြဟ္မပုတ္တရမြစ်ဟာ အာသံပြည်နယ်ထဲမှာ သီတင်းပတ်ကုန်ရက်က ကမ်းပါးကျိုးပေါက်ခဲ့လို့ ရွာ ၂၀,၀၀ ကျော် ရေဘေးသင့်ခဲ့ပါတယ်။ ကိုရိုနာဗိုင်းရပ်စ် ကူးစက်ကပ်ဘေးကြောင့် အသွားအလာ ကန့်သတ်ထားတဲ့ ဘင်္ဂလားဒေ့ရှ် နိုင်ငံဟာ ရေဘေးကြောင့် ထပ်မံ အခက်အခဲ ကြုံနေရတာပါ။ ဘင်္ဂလားဒေ့ရှ်မှာ ဇူလိုင် ၂၀ ရက်အထိ အတည်ပြုချက်အရ ကူးစက်ခံ ၂ သိန်းကျော်နေပြီး ကူးစက်ခံ သေဆုံးသူ ၂၆၀၀ ကျော်ခဲ့ပါပြီ။

A d v e r t i s e m e n t With Us

More News
Up