ဓာတ်ခွဲနမူနာ ၁,၇၂၄ ခုအား စစ်ဆေးချက်အရ ကိုဗစ်-၁၉ လူနာသစ် မတွေ့

ဇူလိုင် ၁၇ ရက်နေ့အတွက် ဓာတ်ခွဲနမူနာ ၁,၇၂၄ ခုအား နှစ်သုတ်ခွဲစစ်ဆေးချက်အရာ ကိုဗစ်-၁၉ အတည်ပြုလူနာသစ် မတွေ့ရဘူးလို့ ကျန်းမာရေးနှင့်အားကစားဝန်ကြီးဌာနက ဒီနေ့မနက် ထုတ်ပြန်ပါတယ်။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) (NHL) က ဓာတ်ခွဲနမူနာ ၉၈၆ ခု၊ ဆေးသုတေသနဦးစီးဌာန (DMR) က  ဓာတ်ခွဲနမူနာ ၁၃၉ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မန္တလေး) က ဓာတ်ခွဲနမူနာ ၁၈၄ ခု၊ ပြည်သူ့ကျန်းမာရေးဓာတ်ခွဲမှုဆိုင်ရာဌာန (မော်လမြိုင်) က ဓာတ်ခွဲနမူနာ အခု ၂၈၀ နဲ့ ရန်ကုန်မြို့၊ အမှတ် ၁ တပ်မတော်ဆေးရုံကြီး ခုတင် ၁,၀၀၀ က ဓာတ်ခွဲနမူနာ ၁၃၅ ခု၊ စုစုပေါင်း ၁,၇၂၄ ခု အား စစ်ဆေးခဲ့တာပါ။ မြန်မာနိုင်ငံမှာ ဒီနေ့မနက် ၈ နာရီအထိ ကိုဗစ်-၁၉ အတည်ပြုလူနာ ၃၃၉ ဦး၊ သေဆုံးသူ ၆ ဦး၊ ရောဂါပိုးကင်းစင်လာသူ ၂၇၁ ဦးထဲက ဆေးရုံမှ ဆင်းခွင့်ပြုပြီးသူ ၂၅၇ ဦး၊ စောင့်ကြည့်လူနာအသစ် ၁၇ ဦး ရှိပါတယ်။ ကမ္ဘာတဝန်းမှာတော့ ဒီနေ့မနက်ပိုင်းအထိ ကိုဗစ်-၁၉ အတည်ပြုလူနာ ၁၄ သန်းကျော်၊ သေဆုံးသူ ၅၉၉၀၀၀ ကျော်နဲ့ ရောဂါပိုး ကင်းစင်လာသူ ၈ ဒသမ ၄ သန်းကျော်ရှိတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up