အမေရိကန်တွင် ကိုဗစ်-၁၉ လူနာ ၃.၂ သန်းကျော်နှင့် သေဆုံးသူ ၁၃၅,၀၀၀ ကျော်ရှိလာ

အမေရိကန်ပြည်ထောင်စုမှာ ဇူလိုင် ၁၀ ရက်နေ့ မွန်းလွဲပိုင်းအထိ ကိုဗစ်-၁၉ အတည်ပြုလူနာ  ၃ ဒဿမ ၂ သန်းကျော်နဲ့ သေဆုံးသူ ၁၃၅,၀၀၀ ကျော်အထိ ရှိလာနေပါပြီ။  ဇူလိုင် ၉ ရက် တစ်ရက်ထဲမှာပဲ အသစ်တွေ့အတည်ပြု လူနာဦးရေ ၅၅၀၀၀ ကျော်ရှိခဲ့တယ်လို့ သိရပါတယ်။ ပြီးခဲ့တဲ့ ခုနှစ်ရက်အတွင်း အမေရိကန်မှာ တရက်ကို အသစ်တွေ့လူနာ ၅ သောင်း ၂ ထောင်ကျော်နှုန်း ရှိခဲ့တာပါ။  အဲဒီအရေအတွက်ဟာ အဲဒီမတိုင်ခင်  သီတင်းပတ်ထက်  ၂၀ ဒသမ ၃ ရာခိုင်နှုန်း မြင့်တက်လာခဲ့တာပါ။  ကမ္ဘာမှာ အထိခိုက်ဆုံးနိုင်ငံဖြစ်တဲ့ အမေရိကန်ဟာ ဇူလိုင် ၈ ရက်မှာပဲ အတည်ပြုလူနာ ၃ သန်း  ကျော်ခဲ့တာပါ။  ရိုက်တာသတင်းကတော့ အမှန်တကယ်ဖြစ်တဲ့ ဦးရေဟာ ဒီထက်များနိုင်မယ်လို့ ပြောပါ တယ်။  ကိုဗစ်-၁၉ ကပ်ရောဂါဟာ အရင်က ဗဟိုချက်မဖြစ်ခဲ့တဲ့ နယူးယောက်နဲ့ အရှေ့မြောက်ပိုင်း ပြည်နယ်တွေမှာ လုံးဝနီးပါး လျော့နည်း သွားပေမယ့်  ကယ်လီဖိုးနီးယား၊ တက္ကဆက်၊ ဖလော်ရီဒါ၊ လူဝီစီယာနားနဲ့ အရီဇိုးနားအပါအဝင် တောင်ပိုင်းဒေသအများအပြားမှာ ကူးစက်မှုမြင့်တက်နေ ပါတယ်။   

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up