ဟောင်ကောင်တွင် ဆန္ဒပြသူ ၃၀၀ ကျော် ဖမ်းဆီးခံရ

ဟောင်ကောင်မှာ ဇူလိုင်လ ၁ ရက်က လူပေါင်း ထောင်ချီဆန္ဒပြခဲ့ပြီး  အဖမ်းခံရသူ အယောက် ၃၀၀ ကျော် ရှိခဲ့ပါတယ်။    Times Square  ရှော့ပင်းမောလ်အတွင်းနဲ့အပြင်ဘက်မှာ  ဟောင်ကောင်ရဲတွေက ဆန္ဒပြ သူတွေကို ငရုပ်ကောင်း စပရေးနဲ့ ဖျန်းပြီး ဖမ်းဆီးခဲ့တာပါ။  အဲဒီနောက်မှာ   ဖမ်းဆီးထားသူ တစ်ဒါဇင်ကျော်ကို ဘတ်စ်ကားနဲ့ ခေါ်သွားခဲ့ပါတယ်။ ဟောင်ကောင်အမျိုးသားလုံခြုံရေးဥပဒေသစ် ချိုးဖောက်တယ်လို့ သံသယရှိသူ  ၉ ယောက် အပါအဝင်  တရားမဝင် လူစုလူဝေးလုပ်မှုနဲ့ တခြား ပြစ်မှုတွေနဲ့  အယောက် ၃၀၀ ကျော်ကို ဖမ်းဆီးခဲ့တယ်လို့  ရဲတပ်ဖွဲ့ကိုကိုးကားပြီး ရိုက်တာသတင်းမှာ ရေးပါတယ်။ ဟောင်ကောင်အမျိုးသားလုံခြုံရေးဥပဒေသစ်အရ ပြည်မကြီး လုံခြုံရေးအေဂျင်စီတွေကို  ဟောင်ကောင်မှာ ပထမဆုံးအကြိမ် ရုံးဖွင့်ခွင့်ပြုပြီး ပြစ်မှုကျူးလွန်သူတွေကို  ပြည်မကြီးမှာ တရား စီရင်ဖို့ လွှဲပြောင်းခွင့်ပြုထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up