အခြေခံဥပဒေပြင်ဆင်ပြောင်းလဲရေး ပြည်လုံးကျွတ်မဲပေးပွဲ  ရုရှားနိုင်ငံတွင် ကျင်းပ

ရုရှားနိုင်ငံမှာ အခြေခံဥပဒေ ပြင်ဆင်ပြောင်းလဲရေး ပြည်လုံးကျွတ် မဲပေးပွဲကို ဇွန် ၂၉ ရက်က ၅ ရက်မြောက် ကျင်းပရာမှာ မဲဆန္ဒရှင် စုစုပေါင်းရဲ့ ၃၇ ဒသမ ၂ ရာခိုင်နှုန်း လာရောက် မဲပေးခဲ့တယ်လို့ ရုရှား  ဗဟိုရွေးကောက်ပွဲ ကော်မရှင်က ပြောပါတယ်။ မဲဆန္ဒရှင် ၇၆  ရာခိုင်နှုန်းက သမ္မတ ဗလာဒီမီယာပူတင်ကို ၂၀၃၆ ထိ အုပ်ချုပ်ခွင့် သက်တမ်း တိုးနိုင်စေမယ့် ပြုပြင်ပြောင်းလဲရေးကို ထောက်ခံမဲပေးခဲ့ကြတယ်လို့ ရုရှား လူထုသဘောထား မေးမြန်း ကောက်ခံသူ VTsIOM က ပြောပါတယ်။ အခြေခံဥပဒေ ပြောင်းလဲရေး ပြည်လုံးကျွတ် မဲပေးပွဲကို ဇွန် ၂၅ ရက်က စတင် ကျင်းပခဲ့တာဖြစ်ပြီး ကိုရိုနာဗိုင်းရပ်စ် ကူးစက်ကပ်ဘေးအတွက် ကြိုတင်သတိထားတဲ့အနေနဲ့ ၇ ရက်ကြာ ကျင်းပပါတယ်။ တကယ်လို့ အတည်ပြုနိုင်ခဲ့ရင် သမ္မတပူတင်ဟာ လက်ရှိသမ္မတ သက်တမ်း ၂၀၂၄ မှာ ကုန်ဆုံးခဲ့ရင် ဒုတိယသမ္မတသက်တမ်းအတွက် ပြန်ပြီးရွေးကောက်ပွဲ ဝင်နိုင်မှာပါ။ ရုရှားရဲ့ ဒေသကြီး ၂၅ ခုမှာ မဲရုံ ၈၀၀ ကျော်ဆီကို မဲရှင် ၁၆၀,၀၀၀ ကျော် လာရောက် မဲပေးခဲ့တယ်လို့လည််း ရုရှား ဗဟိုရွေးကောက်ပွဲကော်မရှင်က သိရပါတယ်။ ဇူလိုင် ၁ ရက်မတိုင်ခင် ကနဦး မဲရလဒ်တွေကို ထုတ်ပြန်ရင်လည်း ပြဿနာမရှိဘူးလို့ ရုရှအစိုးရပြောခွင့်ရသူက ပြောပါတယ်။ ရုရှ အစိုးရကို ဆန့်ကျင် ဝေဖန်သူတွေကတော့ ဒီမဲပေးပွဲဟာ အတုအယောင် ဖြစ်ပြီး အကြံအဖန်လုပ်ထားမှာ စိုးရိမ်တယ်လို့ ပြောခဲ့ကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up