A d v e r t i s e m e n t With Us

ပြင်သစ်နိုင်ငံတွင် သက်တမ်း ၄၃ နှစ်ရှိ နျူကလီးယားဓာတ်အားပေးစက်ရုံ ပိတ်သိမ်း

ပြင်သစ်နိုင်ငံအရှေ့ပိုင်းက သက်တမ်း ၄၃ နှစ်ရှိပြီဖြစ်တဲ့ ဖက်ဆဲန်ဟိုင် နျူကလီးယားဓာတ်အားပေးစက်ရုံကို ဇွန်လ ၃၀ ရက် ညမှာ ပိတ်ချတော့မှာ ဖြစ်ပါတယ်။ ပြင်သစ်-ဂျာမနီ နယ်စပ်နားမှာရှိတဲ့ ဒီစက်ရုံဟာ ပြင်သစ်ရဲ့ သက်တမ်းအရင့်ဆုံး နျူကလီးယား ဓာတ်ပေါင်းဖိုလည်း ဖြစ်ပြီး အစိုးရပိုင် ဓာတ်အားဖြန့်ဖြူးရေးလုပ်ငန်း EDF က လုပ်ကိုင် ဆောင်ရွက်နေတဲ့ စက်ရုံ ဖြစ်ပါတယ်။ နျူကလီးယားစွမ်းအင်ကို မှီခိုမှုလျှော့ချရေး ပြင်သစ်ရဲ့ စီမံကိန်းအစိတ်အပိုင်းလည်း ဖြစ်ပါတယ်။  ပြင်သစ်ဟာ လျှပ်စစ်သုံးစွဲမှု ၇၅ ရာခိုင်နှုန်းကို နျူကလီးယားစက်ရုံတွေက ရပါတယ်။ ဒါပေမဲ့ စက်ရုံ အများအပြားက အိုမင်းဟောင်းနွမ်းနေတာပါ။ ပြန်လည် ပြည့်ဖြိုးမြဲ စွမ်းအင်ကို ပိုပြီး အားကိုးမှာမို့ ၂၀၃၅ မှာ နျူကလီးယားစွမ်းအင်သုံးစွဲမှု ထက်ဝက်လျှော့ချဖို့ ပန်းတိုင် သတ်မှတ်ထားပါတယ်။

A d v e r t i s e m e n t With Us

More News
Up