လူမည်း၊ အာရှသားနှင့် လူနည်းစုလူမျိုး နည်းပြများ ထွက်ပေါ်ရန် အင်္ဂလန်အက်ဖ်အေ စတင်

လူမည်း၊ အာရှသားနဲ့ လူနည်းစု လူမျိုး ဘောလုံးနည်းပြကောင်းတွေ ထွက်ပေါ်လာဖို့အတွက် ပရီးမီးယားလိဂ်နဲ့ အင်္ဂလန်ဘောလုံးလိဂ်တို့ ပူးပေါင်းလုပ်ဆောင်တော့မှာဖြစ်ပါတယ်။  လာမယ့်နှစ် ဘောလုံးရာသီက စတင်ပြီး တစ်နှစ်ကို လူမည်း၊ အာရှသားနဲ့ လူနည်းစုလူမျိုး နည်းပြ ၆ ဦးကို ပရီးမီးယားလိဂ်ရဲ့ အောက်က အင်္ဂလန် ဘောလုံးလိဂ်ပြိုင်ပွဲတွေမှာ လေ့လာသင်ယူစေမှာ ဖြစ်ပါတယ်။  သူတို့ကို ၂၃ လကြာ အသင်းနည်းပြအဖွဲ့ဝင်တွေနဲ့ ပူးပေါင်းလုပ်ဆောင်စေမှာ ဖြစ်ပြီး အရည်အချင်းပြည့်မီခဲ့မယ်ဆိုရင် ယူအီးအက်ဖ်အေနည်းပြသင်တန်းတွေကို ဆက်ပြီး တက်ရောက်ခွင့်ရမယ်လို့ သိရပါတယ်။  ဒါ့အပြင် နည်းပြအခန်းကဏ္ဍတင်မဟုတ်ဘဲ တခြားရာထူးနေရာတွေမှာလည်း ခန့်အပ်မယ့် အစီအစဉ်လည်း ပါဝင်ပါတယ်။  ဒီအစီအစဉ်ဟာ အင်္ဂလန်ဘောလုံးအသင်းတွေမှာ လူမည်းနည်းပြနဲ့ တခြားလူနည်းစုလူမျိုး နည်းပြတွေ နည်းပါးနေတယ်ဆိုတဲ့ ဝေဖန်မှုတွေ မရှိစေဖို့အတွက် အင်္ဂလန်အက်ဖ်အေက စတင်လုပ်ဆောင်တာပါ။  ဒီအစီအစဉ်ကနေ  လူမည်း၊ အာရှသားနဲ့ လူနည်းစုလူမျိုး ဘောလုံးနည်းပြကောင်းတွေ ထွက်ပေါ်လာဖို့အတွက် ကူညီပေးနိုင်လိမ့်မယ်လို့ ပရီးမီးယားလိဂ် အမှုဆောင်အရာရှိချုပ် ရစ်ချက်မာစတာက ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up