ဓနုဖြူ-ညောင်တုန်း ကားလမ်းတွင် ၆ ဘီးယာဉ်တိမ်းမှောက်၊ ခြံလုပ်သား ၁၈ ဦး ဒဏ်ရာရ

ဧရာဝတီတိုင်း၊ မအူပင်ခရိုင်၊ ညောင်တုန်းမြို့နယ်မှာ  ဇွန်လ ၂၆ ရက်နေ့မနက်ပိုင်းက ခြံလုပ်သား ၁၈ ဦးကို တင်လာတဲ့ ၆ ဘီးယာဉ်တစ်စီး တိမ်းမှောက်တာကြောင့် ၁၈ ဦး ဒဏ်ရာရတယ်လို့ သိရပါတယ်။ ဓနုဖြူမြို့ကနေလာတဲ့ ခြောက်ဘီးယာဉ်ဟာ ညောင်တုန်းမြို့နယ်၊ စက္ကော့တောင်ကျေးရွာအုပ်စု၊ ရိုးကြီးတံတားအနီးမှာ ကားစီယာတိုင်တိုင်းလော့ပြုတ်ပြီး လမ်းဘေးယာဘက်မြောင်းထဲ တိမ်းမှောက်ခဲ့တာလို့ သွားရောက်ကူညီပေးခဲ့တဲ့ ပီတိလူငယ်ပရဟိတအသင်းမှ ကိုထက်နိုင်အောင်က ပြောပါတယ်။ “ကျနော်တို့ရောက်တော့ ဒဏ်ရာရရှိထားသူ ၈ ယောက်လောက်ပဲ ရှိတော့တယ်။ ကျန်တဲ့လူနာတွေက တခြားကားတွေနဲ့ကူညီပြီး ညောင်တုန်းမြို့ဆေးရုံကြီးကို ပို့ပေးကြတယ်၊ လူအသေအပျောက်မရှိတာပဲ တော်တော်ကံကောင်းတယ်ပဲပြောရမယ်။” ဒဏ်ရာရရှိသူတွေထဲက ၁ ဦးကိုတော့ ရန်ကုန်ဆေးရုံကြီးကို ပို့ဆောင်ခဲ့ရတယ်လို့ ရဲတပ်ဖွဲ့က တာဝန်ရှိသူက ပြောပါတယ်။ ယာဉ်တိမ်းမှောက်မှုနဲ့ပတ်သက်ပြီး ယာဉ်မောင်း အောင်ပြည့်ဖြိုးကို ညောင်တုန်း မြို့မရဲစခန်းမှာ ယာဉ်(ပ)၁၅/၂၀၂၀ ရာဇသက်ကြီးပုဒ်မ ၃၃၈/၃၃၇ စတဲ့ပုဒ်မတွေနဲ့ အမှုဖွင့်စစ်ဆေးနေတယ်လို့ သိရပါတယ်။ သတင်း - မင်းထက်မုန်း(ပုသိမ်)၊ ဓာတ်ပုံ-ထက်နိုင်အောင်(ပီတိလူငယ်ပရဟိတအသင်း-ညောင်တုန်း)

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up