A d v e r t i s e m e n t With Us

ဘောလုံးရာသီအကုန် ကာဗာနီ၊ ဆေးဗားလ်တို့နှင့် လမ်းခွဲမည်ဟု ပီအက်စ်ဂျီ အတည်ပြု

တိုက်စစ်မှူး ကာဗာနီနဲ့နောက်ခံလူ သီယာဂို ဆေးလ်ဗားတို့ဟာ ရာသီအကုန်မှာ အသင်းနဲ့ လမ်းခွဲတော့မယ်လို့ ပီအက်စ်ဂျီအသင်းက အတည်ပြုခဲ့ပါတယ်။  အသက် ၃၃ နှစ်ရှိ ဥရုဂွေးတိုက်စစ်မှူး ကာဗာနီဟာ ပီအက်စ်ဂျီသမိုင်းတလျှောက် ဂိုးအများဆုံး သွင်းယူထားပေမယ့် ဒဏ်ရာပြဿနာတွေကြောင့် အခုနှစ်ရာသီမှာ ၁၄ ပွဲသာ ကစားခွင့်ရခဲ့ပါတယ်။  အသင်းခေါင်းဆောင် သီယာဂိုဆေးလ်ဗားနဲ့ ကာဗာနီတို့ ၂ ဦးလုံးနဲ့ လမ်းခွဲဖို့ရှိနေတယ်ဆိုတာ မှန်ကန်ပြီး လာမယ့် သြဂုတ်လကုန်အထိတော့ အသင်းမှာ ဆက်ရှိမယ်လို့ အသင်းအားကစား ဒါရိုက်တာ လီယိုနာဒိုက အတည်ပြုခဲ့တာပါ။  ဒါကြောင့် သူတို့ ၂ ဦးအနေနဲ့ ဥရောပချန်ပီယံလိဂ်ပွဲစဉ်တွေမှာ ဆက်လက်ကစားခွင့်ရရှိမှာ ဖြစ်ပါတယ်။  အသက် ၃၅ နှစ်ရှိ အသင်းခေါင်းဆောင် သီယာဂိုဆေးလ်ဗားဟာလည်း သြဂုတ်လကုန်မှာ စာချုပ်သက်တမ်းကုန်ဆုံးမှာဖြစ်ပြီး ပြောင်းရွှေ့ကြေးအလွတ်နဲ့ တခြားအသင်းဆီ ပြောင်းရွှေ့ ခွင့်ရမှာဖြစ်ပါတယ်။

A d v e r t i s e m e n t With Us

More News
Up