ဖားဆောင်းမြို့နယ်၊ လိုခါးလိုကျေးရွာနေ ဆင်းရဲနွမ်းပါး အိမ်ထောင်စု ၁၀၀ အတွက် စားနပ်ရိက္ခာ ထောက်ပံ့

ကယားပြည်နယ်၊ ဖားဆောင်းမြို့နယ်၊ မော်ချီးကျေးရွာအုပ်စု လိုခါးလိုကျေးရွာမှာ ကိုဗစ်-၁၉ ကပ်ဘေးကာလအတွင်း အလုပ်တွေပိတ်ထားရလို့ စားဝတ်နေရေးအခက်အခဲဖြစ်နေတဲ့ ဆင်းရဲနွမ်းပါးအိမ်ထောင်စုတွေကို လိုခါးလိုလူမှုကူညီရေးအသင်းက အခြေခံစားသောက်ကုန်တွေ လိုက်လံ ကူညီပေးနေပါတယ်။ လိုခါးလိုလူမှုကူညီရေးအသင်းက ဦးဆောင်ပြီး ကျေးရွာအတွင်း တတ်နိုင်တဲ့အိမ်ထောင်စုတွေရဲ့ ထည့်ဝင်လှူဒါန်းငွေနဲ့ ဆင်းရဲနွမ်းပါးအိမ်ထောင်စုတွေအတွက် အခြေခံစားသောက်ကုန်ဖြစ်တဲ့ ဆန်၊ ဆီ၊ ဆား၊ ကြက်ဥနဲ့ ကြက်သွန် ၅ မျိုးကို ကူညီပေးတာဖြစ်ပါတယ်။ စားဝတ်နေရေး အခက်အခဲဖြစ်နေပြီး အစိုးရထံက အကူအညီ အထောက်အပံ့မရတဲ့ နွမ်းပါး မိသားစု ၁၀၀ ကျော်အတွက် မိသားစု တစ်စုကို ဆန် ၁ ပုံး၊ ဆီ ၃၀ ကျပ်သား၊ ဆားတထုတ်၊ ကြက်သွန် ၅၀ သားနဲ့ ကြက်ဥ ၁၀ လုံးစီ အိုင်တိုင်ရာရောက် ပေးဝေလှူဒါန်းခဲ့တာလို့ လိုခါးလိုလူမှုကူညီရေးအသင်းတာဝန်ရှိသူတစ်ဦးက ပြောပါတယ်။ လိုခါးလိုကျေးရွာမှာ အိမ်ခြေ ၅၀၀ လောက်ရှိပြီး  အဲဒီထဲက မုဆိုးမနဲ့ဆင်းရဲနွမ်းပါးမိသားစု ၁၅၀ လောက်နေထိုင်ကြတယ်လို့  သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up