ပုဂ္ဂလိက ဒုံးပျံ SpaceX  နာဆာယာဉ်မှူး ၂ ဦးကို ကမ္ဘာပတ်လမ်းသို့ ပို့ဆောင်

ပုဂ္ဂလိကပိုင် ဒုံးပျံကုမ္ပဏီတခုဖြစ်တဲ့ SpaceX ဟာ နာဆာ အာကာသယာဉ်မှူး နှစ်ဦးကို မေလ ၃၀ ရက်မှာ ကမ္ဘာပတ်လမ်းကြောင်းထဲ ပို့ဆောင်ပေးနိုင်ခဲ့ပါတယ်။  ဒါဟာ ကိုးနှစ်အတွင်း အမေရိကန်မြေပေါ်ကနေ နာဆာယာဉ်မှူးတွေနဲ့ လူလိုက်ပါတဲ့ အာကာသခရီးစဉ်ကို ပထမဆုံး ပြန်လည်စတင်နိုင်တာပါ။  SpaceX Falcon 9 ဒုံးပျံက ယာဉ်မှူးဒေါက် ဟာလေနဲ့ ဘော့ဘန်ကင်တို့ ပါဝင်တဲ့ အာကာသယာဉ်ကို ကနေဒီအာကာသစခန်းကနေ လွှတ်တင်သယ်ဆောင်သွားခဲ့ပြီး  နိုင်ငံတကာ အာကာသစခန်းဆီရောက်ဖို့ ၁၉ နာရီကြာ စီးနင်းခဲ့ရပါတယ် ။  ဒီ အာကာသယာဉ် Crew Dragon ကလည်း SpaceX ကုမ္ပဏီက အသစ်ထုတ်ထားတဲ့ ဒီဇိုင်းပါ။  Crew Dragon ယာဉ်ဟာ မနက် ၃ နာရီ ၃၅ မိနစ်မှာ ဒုံးပျံကနေ ခွဲခွာပြီး ကမ္ဘာပတ်လမ်းကြောင်းထဲ ဝင်ခဲ့ပါတယ်။  နာဆာယဉ်မှူးတွေဟာ ၂၀၁၁ကစလို့ ကမ္ဘာပတ်လမ်းထဲသွားဖို့ ရုရားရဲ့ ဆိုယူဇ်အာကာသ ယာဉ်ကိုပဲ သုံးခဲ့တာပါ။  ပုဂ္ဂလိကပိုင်ကုမ္ပဏီတခုက တီထွင်တဲ့ အာကာသယဉ်တွေနဲ့ အမေရိကန်ယာဉ်မှူးတွေ ကမ္ဘာပတ်လမ်းကြောင်းထဲ သွားတာဟာ ဒါ ပထမဆုံးအကြိမ် ဖြစ်တယ်လို့လည်း ရိုက်တာ သတင်း က ဖေါ်ပြပါတယ် ။  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up