Homeသတင်းဓာတ်ပုံ
မန်းရွှေမြို့တော်၌ တစ်နှစ်အတွင်း လမ်းမီးတိုင် ၁၀,၀၀၀ ကျော် စံချိန်တင်စိုက်ထူ (ဓာတ်ပုံ)
မန်းရွှေမြို့တော်၌ တစ်နှစ်အတွင်း လမ်းမီးတိုင် ၁၀,၀၀၀ ကျော် စံချိန်တင်စိုက်ထူ (ဓာတ်ပုံ)
DVB
·
May 25, 2020
မြို့တော်သာယာလှပရေးအတွက် စွမ်းစွမ်းတမံကြိုးစားတဲ့ မန္တလေးမြို့တော်ဝန်နဲ့ စည်ပင်သာယာရေးအဖွဲ့ဟာ တက်ကြွတဲ့ လုပ်ဆောင်ချက်တွေကြောင့် ပြည်သူတွေကြား အင်တာနက်စာမျက်နှာတွေပေါ်မှာရော ထင်ရှားပါတယ်။
အခုနှစ် ၂၀၁၉-၂၀ ဘဏ္ဍာရေးနှစ်မှာတော့ မြို့တော်လုံခြုံရေးအတွက် လမ်းမီးတိုင် တသောင်းကျော် စံချိန်တင်စိုက်ထူနေကြောင်း “မြို့တော်လုံခြုံရေးအတွက် လမ်းမီးတိုင် စံချိန်တင်စိုက်ထူတဲ့နှစ်” ဆိုတဲ့ ခေါင်းစဉ်နဲ့ မြို့တော်အလှအပ ပုံရိပ်တွေနဲ့ မြို့တော်ဝန် ဦးရဲလွင်က သူ့ရဲ့ ဖေ့စ်ဘွတ်ခ်အင်တာနက်လူမှုကွန်ရက်ပေါ်မှာ မျှဝေထားခဲ့တာပါ။
မန္တလေးမြို့တော်ရဲ့ အရှေ့၊ အနောက်၊ တောင်၊ မြောက် မိန်းလမ်းမတန်းတွေမှာ အဓိကထား ထွန်းပေးနေတာဖြစ်ပြီး ၂၀၁၉-၂၀ ဘတ်ဂျက်ကာလမှာ လမ်းမီးတိုင် အသစ် ၁၀,၅၅၉ တိုင်ကို စွမ်းအားအပြည့်နဲ့ နေ့ရောညပါ စိုက်ထူနေတယ်လို့ ဆိုပါတယ်။
ခုလို လမ်းမီးအလှူကို မြို့တော်ဝန်ရဲ့ ဇနီးဖြစ်သူဆန္ဒအရ Double Arm မီးတိုင် ၂၄ တိုင်အတွက် ငွေကျပ်သိန်း ၂၄၀ လှူဖြစ်ရာကနေ ခုလိုထိ ဖြစ်လာခဲ့တာလို့လည်း ပို့စ်မှာ ဖော်ပြထားခဲ့ပါတယ်။
“ဒီနှစ်ထဲ လမ်းသွယ်တွေအတွက် အလှူရှင်တွေ လှူထားတဲ့ လမ်းမီးတိုင် ၇၅၄ တိုင်ကိုလည်း တပ်ဆင်ပြီးပါပြီ။ လမ်းမီးအလှူကို ၂၀၁၈ နို၀င်ဘာလမှာ ဇနီးဖြစ်သူရဲ့ ဆန္ဒအရ double arm မီးတိုင် ၂၄ တိုင်အတွက် ငွေကျပ်သိန်း ၂၄၀ လှူဖြစ်ရာက စ လိုက်တာပါ။ ဒီနေ့အထိ အလှူရှင်များလှူခဲ့တာ single arm ၁၆၈၉ တိုင်၊ Double arm ၁၀၀၆ တိုင်ရှိသွားပါပြီ။ ဆက်လက်လှူဒါန်းနေကြဆဲပါ။”
လျှပ်စစ်မီးတွေနဲ့ ထိန်ထိန်ညီး လှပနေတဲ့ မန္တလေးမြို့တော် အလှအပမြင်ကွင်း ဓာတ်ပုံတွေနဲ့ ဒီပို့စ်ကိုတော့ အင်တာနက်အသုံးပြုသူတွေက နာရီပိုင်းအတွင်းမှာ ချီးကျုး မှတ်ချက်ပေးသူ၊ ပြန်လည်မျှဝေသူ ထောင်နဲ့ချီ ရှိနေခဲ့တာ ဖြစ်ပါတယ်။
မြို့တော်စည်ပင်သာယာရေးနဲ့ ပတ်သက်ပြီး တက်တက်ကြွကြွ လုပ်ဆောင်လေ့ရှိတဲ့ မန္တလေးမြို့တော်ဝန် ဦးရဲလွင်ရဲ့ ဖေ့စ်ဘွတ်ခ်အကောင့်ဟာ လက်ရှိအချိန်ထိ ကြိုက်နှစ်သက်သူ Followers ၂ သိန်းခွဲနီးပါးရှိနေပြီး အင်တာနက်အသုံးပြုသူတွေကြား ထင်ရှားသူတဦး ဖြစ်ပါတယ်။
ခုလို လမ်းမီးအလှူကို မြို့တော်ဝန်ရဲ့ ဇနီးဖြစ်သူဆန္ဒအရ Double Arm မီးတိုင် ၂၄ တိုင်အတွက် ငွေကျပ်သိန်း ၂၄၀ လှူဖြစ်ရာကနေ ခုလိုထိ ဖြစ်လာခဲ့တာလို့လည်း ပို့စ်မှာ ဖော်ပြထားခဲ့ပါတယ်။
“ဒီနှစ်ထဲ လမ်းသွယ်တွေအတွက် အလှူရှင်တွေ လှူထားတဲ့ လမ်းမီးတိုင် ၇၅၄ တိုင်ကိုလည်း တပ်ဆင်ပြီးပါပြီ။ လမ်းမီးအလှူကို ၂၀၁၈ နို၀င်ဘာလမှာ ဇနီးဖြစ်သူရဲ့ ဆန္ဒအရ double arm မီးတိုင် ၂၄ တိုင်အတွက် ငွေကျပ်သိန်း ၂၄၀ လှူဖြစ်ရာက စ လိုက်တာပါ။ ဒီနေ့အထိ အလှူရှင်များလှူခဲ့တာ single arm ၁၆၈၉ တိုင်၊ Double arm ၁၀၀၆ တိုင်ရှိသွားပါပြီ။ ဆက်လက်လှူဒါန်းနေကြဆဲပါ။”
လျှပ်စစ်မီးတွေနဲ့ ထိန်ထိန်ညီး လှပနေတဲ့ မန္တလေးမြို့တော် အလှအပမြင်ကွင်း ဓာတ်ပုံတွေနဲ့ ဒီပို့စ်ကိုတော့ အင်တာနက်အသုံးပြုသူတွေက နာရီပိုင်းအတွင်းမှာ ချီးကျုး မှတ်ချက်ပေးသူ၊ ပြန်လည်မျှဝေသူ ထောင်နဲ့ချီ ရှိနေခဲ့တာ ဖြစ်ပါတယ်။
မြို့တော်စည်ပင်သာယာရေးနဲ့ ပတ်သက်ပြီး တက်တက်ကြွကြွ လုပ်ဆောင်လေ့ရှိတဲ့ မန္တလေးမြို့တော်ဝန် ဦးရဲလွင်ရဲ့ ဖေ့စ်ဘွတ်ခ်အကောင့်ဟာ လက်ရှိအချိန်ထိ ကြိုက်နှစ်သက်သူ Followers ၂ သိန်းခွဲနီးပါးရှိနေပြီး အင်တာနက်အသုံးပြုသူတွေကြား ထင်ရှားသူတဦး ဖြစ်ပါတယ်။
