မိုးကောင်းမြို့နယ်တွင် ကျပ် သိန်း ၁၇၀ ကျော် မူးယစ်ဆေးဝါးများ ဖမ်းမိ
DVB
·
May 22, 2020
ကချင်ပြည်နယ်၊ မိုးညှင်းခရိုင်၊ မိုးကောင်းမြို့နယ် ပင်းဘော ကျေးရွာအုပ်စု တောင်နီကျေးရွာမှာ မေလ ၂၁ ရက်က မနက်က အမျိုးသမီးတဦးဆီကနေ ကျပ်သိန်း ၁၇၀ ကျော် တန်ဖိုးရှိ မူးယစ်ဆေးဝါးတွေ ဖမ်းမိခဲ့တယ်လို့ ပင်းဘောနယ်မြေရဲစခန်းက သိရပါတယ်။
ဖြစ်စဉ်မှာ မိုးညှင်းမူးယစ်တပ်ဖွဲ့ ၃ မှ ရဲအုပ်နေလင်းထွန်း ဦးဆောင်တဲ့အဖွဲ့၊ ပင်းဘောနယ်မြေရဲစခန်းမှ ဒုတပ်ကြပ် အောင်ရဲကျော် နဲ့ သက်သေတွေ ပါဝင်တဲ့အဖွဲ့တွေက မူးယစ် သတင်းအရ တောင်နီကျေးရွာနေ ဒေါ်ခိုင်ခိုင်ဦး (ခ) မခိုင်ရဲ့နေအိမ်ကို ဝရမ်းနဲ့ ဝင်ရောက်ရှာဖွေရာမှ ဖမ်းဆီးမိခဲ့တာပါ။
ဘိန်းစိမ်း အမည်းရောင် အစေးခဲ (အစို) ၆၀၀ ဂရမ်လောက်၊ ဘိန်းဖြူလို့ ယူဆရတဲ့ ဖြူ/ဝါကြား ၁၀ ဂရမ်ခန့်ပါ ရောင်စုံ ဆပ်ပြာခွက် ၂၀ ခွက်အတွင်းက စုစုပေါင်းအလေးချိန် ၂၀၀ ဂရမ်ခန့် ဖမ်းဆီးရခဲ့မိတာပါ။
အဆိုပါ မူးယစ်ဆေးဝါးတွေနဲ့ ဖမ်းဆီးရမိတဲ့ ဒေါ်ခိုင်ခိုင်ဦးကို မူးယစ်ဆေးဝါးနဲ့ စိတ်ကိုပြောင်းလဲစေတဲ့ ဥပဒေပုဒ်မ ၁၉ (က) အရ အရေးယူ ဆောင်ရွက်ထားတယ်လို့ သိရပါတယ်။
