မြန်မာနိုင်ငံရှိ COVID-19 လူနာ ၁၉၉ ဦးအနက် ပြည်ပက ကူးစက်ခံရသူ ၄၃ ဦးရှိလာ
ညီငယ်
·
May 21, 2020
မြန်မာနိုင်ငံမှာ COVID-19 ရောဂါစတင်ပျံ့နှံဖြစ်ပွားတာ နှစ်လနီးပါးရှိနေပြီဖြစ်ပြီး မေလ ၂၁ ရက်နေ့ မနက်ပိုင်း အထိ COVID-19 အတည်ပြုလူနာစုစုပေါင်း ၁၉၉ ဦး အထိ ရှိလာပါတယ်။
ဒီ ၁၉၉ဦး ထဲက ပြည်ပကနနေ ကူးစက်ခံရသူ စုစုပေါင်းဟာ ၄၃ ဦးရှိကြောင်းနဲ့ ဒါဟာကူးစက်ခံ လူနာစုစုပေါင်းရဲ့ ၂၂ရာခိုင်နှုန်းရှိကြောင်း ကျန်းမာရေးနဲ့အားကစားဝန်ကြီးဌာနရဲ့ ထုတ်ပြန်တဲ့ COVID-10 အတည်ပြုလူနာကိန်းဂဏန်း အချက်အလက်တွေအရ သိရပါတယ်။
အဆိုပပြည်ပကကူးစက်ခံရသူ ၄၃ ဦးထဲမှာ မလေးရှားပြန်လာသူတွေထဲက ၉ ဦးနဲ့ ယူအေအီးကပြန်လာသူ ၈ ဦး စုစုပေါင်း ပိုးတွေ့လူနာ ၁၇ ဦးကို မေလအတွင်း တွေ့ရှိခဲ့တာဖြစ်ပါတယ်။
ဂျပန်နိုင်ငံ၊ ကိုရီးယား၊ ထိုင်းနိုင်ငံ၊ အိန္ဒိယ၊ ဘင်္ဂလားဒေ့ရှ်၊ ယူအေအီး စတဲ့နိုင်ငံတွေကနေ ပြန်လာတဲ့ မြန်မာနိုင်ငံသားတွေဟာ မေလ အတွင်းအယောက် ၂၄၀၀ ကျော် ရှိပြီဖြစ်ပြီး သူတို့ကို သက်ဆိုင်ရာ Quarantine Centre တွေမှာထားရှိကာ COVID- 19 ပိုးရှိ/မရှိ စစ်ဆေးပေးနေပါတယ်။
ပိုးတွေ့လူနာအများဆုံးရှိတဲ့ ရန်ကုန်မှာတော့ COVID-19 ပထမလှိုင်းပြီးပြီလို့ ယူဆရကြောင်းနဲ့ ဒုတိယလှိုင်းအတွက် ကြိုတင်ပြင်ဆင်ကာကွယ်တဲ့အနေနဲ့ မြို့နယ်အလိုက် ကျန်းမာရေးစစ်တမ်းတွေ ကောက်ယူနေကြောင်း ရန်ကုန်တိုင်း လူမှုရေးဝန်ကြီး ဦးနိုင်ငံလင်းက ဒီဗွီဘီကို ပြောထားပါတယ်။
