COVID-19 ကာလ ထိုင်းတွင် မူလတန်းလက်ထောက်ဆရာ ၁၀,၀၀၀  အငှားခန့်ထားမည်

ဓာတ်ပုံ-သည်နေရှင်း
ထိုင်းနိုင်ငံမှာ COVID-19 ကပ်ဘေးကာလအတွင်း ပညာရေးဝန်ကြီးဌာနအနေနဲ့ မူလတန်း လက်ထောက်ဆရာ ဆရာမဦးရေ ၁၀၀၀၀ အငှားခန့်အပ်သွားဖို့ ရှိနေတယ်လို့ သည်နေးရှင်းသတင်းမှာ ဖော်ပြပါတယ်။ ဒါဟာ ကပ်ဘေးကာလမှာ အလုပ်လက်မဲ့ဖြစ်နေတဲ့ သင်ကြားရေးဝန်ထမ်းတွေကို တဖက်တလမ်းက ကူညီရာရောက်ပြီး လက်ထောက်ဆရာ ဆရာမတွေအနေနဲ့ ၆ လတာကာ လအတွက် လစဉ်ကြေး ဘတ် ၉,၀၀၀ ပေးသွားမယ့် အစီအစဉ်ဖြစ်တယ်လို့ ထိုင်းပညာ ရေးဝန်ကြီး နာတဖိုလ်ထိဆူဝမ်က ပြောပါတယ်။ အဲဒီအတွက် ဘတ်ဂျတ်ငွေ ဘတ်သန်း ၅၀၀ ထားရှိပြီး ဒါဟာ ဆရာဆရာမဦးရေ ၁၀၀၀၀ ဝန်းကျင်ကို ခန့်အပ်နိုင်ဖို့ လုံလောက်တယ်လို့ ဆိုပါတယ်။ ဒီအစီအစဉ်ဟာ ထိုင်းဝန်ကြီးချုပ်ရဲ့ ညွှန်ကြားမှုနဲ့ COVID-19 ကပ်ဘေးကာလအတွင်း အလုပ်လက်မဲ့တွေကို ကူညီနိုင်ရေးစီမံချက်တရပ်အနေနဲ့ မေလ ၂၀ ရက်မှာ ဝန်ကြီးဌာနတွေ အားလုံးလုပ်သင့်တဲ့ အစီအစဉ်အနေနဲ့ သဘောတူညီချက် လက်မှတ်ရေးထိုးခဲ့ကြတာ ဖြစ်ပါတယ်။ ပညာရေးဝန်ကြီးက အသစ်ထပ်မံ ခန့်အပ်လိုက်တဲ့ ဆရာ ဆရာမတွေအနေနဲ့ စာသင်ကျောင်းတွေမှာ အကျိုးရှိရှိ အသုံးချနိုင်မှာဖြစ်ပြီး အရင်က ကျောင်းသား ၂၀ မှာ ဆရာဆရာမ ၁ ယောက်အချိုးကနေ ကျောင်းသား ၂၀ မှာ ဆရာဆရာမ ၃ ယောက်အချိုးအထိ မြင့်တက်လာစေမှာ ဖြစ်တယ်လို့ ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up