ဝက်ထီးကန် ဘိန်းဖြတ်စခန်းကို COVID-19 ရောဂါ ငြိမ်သက်ချိန် ပြန်ဖွင့်မည်
မင်းညို
·
May 20, 2020
ပဲခူးတိုင်းဒေသကြီး၊ ပြည်မြို့နယ် ဝက်ထီးကန်မြို့မှာရှိတဲ့ ဘိန်းဖြတ်စခန်းကို COVID-19 ကပ်ရောဂါ ကင်းစင်သွားတဲ့ အချိန်မှ ပြန်လည်ဖွင့်လှစ်မယ်လို့ သိရပါတယ်။
အရင်က ပြည်ထဲရေးဝန်ကြီးဌာနလက်အောက်မှာရှိတဲ့ ဝက်ထီးကန်ဘိန်းဖြတ်စခန်းလို့ လူသိများတဲ့ ရွှေပြည်သာပြန်လည်ထူထောင် ရေးစခန်းကို ပြီးခဲ့တဲ့ ၂၀၁၉ ခုနှစ် ဖေဖေါ်ဝါရီလက လူကယ်ပြန်ဝန်ကြီးဌာနကို လွှဲပြောင်းပေးခဲ့တာပါ။
အဲဒီလို လွှဲပြောင်းရာမှာ အဆောက်အအုံတွေ မပါတာကြောင့် ပြန်လည်တည်ဆောက်ခဲ့ရာ မှာ မကြာခင်ပြီးစီးတော့မှာဖြစ်ပြီး COVID-19 ရောဂါ အခြေအနေ ငြိမ်သက်သွားတဲ့ အချိန်မှာ ပြန်လည်ဖွင့်လှစ်မှာပါ။
အခု အသစ်စတင်တော့မယ့် သင်တန်းက သင်တန်းကာလ ၃ လ နဲ့ သင်တန်းသား ၄၀ အထိ ကုသပေးနိုင်မှာဖြစ်ပါတယ်။
အရင်က ဆေးလာဖြတ်သူတွေက ကိုယ့်စရိတ်နဲ့ ကိုယ်လာဖြတ်ရတာ ဖြစ်ပေမယ့် အခုကတော့ နိုင်ငံတော်စရိတ်နဲ့ ကုသပေးသွားမှာဖြစ်ပါတယ်။
မင်းညို
