Homeမြန်မာသတင်း
၂၀၂၀-၂၀၂၁ ဘဏ္ဍာရေးနှစ် ဘတ်ဂျက်လျာထားချက် ကျပ်သန်းပေါင်း ၃၃ သိန်းကျော်ကို ရှမ်းပြည်နယ် လွှတ်တော်အတည်ပြု
၂၀၂၀-၂၀၂၁ ဘဏ္ဍာရေးနှစ် ဘတ်ဂျက်လျာထားချက် ကျပ်သန်းပေါင်း ၃၃ သိန်းကျော်ကို ရှမ်းပြည်နယ် လွှတ်တော်အတည်ပြု
DVB
·
May 19, 2020
ရှမ်းပြည်နယ်ရဲ့ ၂၀၂၀-၂၀၂၁ ဘဏ္ဍာရေးနှစ် ရသုံးမှန်းခြေငွေစာရင်းနဲ့ ပတ်သက်ပြီး ဒီနေ့ကျင်းပတဲ့ ဒုတိယအကြိမ် ရှမ်းပြည်နယ်လွှတ်တော် အထူး အစည်းအဝေးမှာ အတည်ပြုလိုက်ပါတယ်။
အထူးအစည်းအဝေးမှာ COVID-19 ကာလဖြစ်တဲ့အတွက် ရှမ်းပြည်နယ် ရသုံးမှန်းခြေငွေစာရင်းဆွေးနွေးခြင်းအပြင် တစ်ခြားအဆိုတင်ခြင်း၊ မေးခွန်းမေးမြန်းခြင်းတွေ မရှိပါ။
အစည်းအဝေးမှာ ရှမ်းပြည်နယ် အစိုးရအဖွဲ့တင်သွင်းတဲ့ ၂၀၂၀-၂၀၂၁ ဘဏ္ဍာရေး နှစ်ရသုံးမှန်းခြေအငွေစာရင်းလျာထားချက်ကို ပြည်နယ်လွှတ်တော် ကိုယ်စားလှယ် ၈ ဦးဆွေးနွေးပြီး အတည်ပြုလိုက်ပါတယ်။
လက်ရှိရှမ်းပြည်နယ်လွှတ်တော်ကအတည်ပြုတဲ့ အစိုးရနောက်ဆုံး လျာထားတဲ့ ၂၀၂၀- ၂၀၂၁ ဘဏ္ဍာရေး နှစ်ရသုံးမှန်းခြေငွေစာရင်းမှာ မျှတမှု၊ ပွင့်လင်းမြင်သာမှု တွေမရှိဘူးလို့ နမ်းဆန်မြို့နယ် လွှတ်တော်ကိုယ်စားလှယ် ဦးအောင်ထွန်းက ပြောပါတယ်။
ရှမ်းပြည်နယ်အစိုးရအဖွဲ့က နှစ်စဉ် လျာထားတဲ့ ရသုံးမှန်းခြေငွေစာရင်းဟာ ဝန်ကြီးတွေရှိတဲ့ မြို့မှာ ဘတ်ဂျက် ပိုချပေးတယ်လို့လည်း လွှတ်တော် ကိုယ်စားလှယ် တွေကဝေဖန်ကြပါတယ်။
ရှမ်းပြည်နယ်လွှတ်တော်မှာ အတည်ပြုလိုက်တဲ့ ၂၀၂၀-၂၀၃၁ ဘဏ္ဍာရေးနှစ် ပြည်နယ်ရသုံးမှန်းခြေ ငွေစာရင်းလျာထားချက်ကို ပြည်ထောင်စုဘဏ္ဍာရေး ကော်မရှင်ထံသို့ ပေးပို့သွားမှာဖြစ်ပါတယ်။
၂၀၂၀-၂၀၂၁ ဘဏ္ဍာရေးနှစ် ရှမ်းပြည်နယ်၏ ရသုံးမှန်းခြေ ဘဏ္ဍာငွေစာရင်းလျာထားချက်မှာ သာမန်ရငွေ ကျပ်သန်းပေါင်း ၅၀,၀၀၀ ကျော်၊ ငွေလုံးငွေရင်းရငွေ ကျပ်သန်း ၀ ဒသမ ၀၂၀ သန်း၊ သာမန်သုံးငွေ ကျပ်သန်းပေါင်း ၁ သိန်းကျော်၊ ငွေလုံးငွေရင်းသုံးငွေ ကျပ်းသန်းပေါင်း ၂ သိန်းကျော်၊ စုစုပေါင်းသုံးငွေ ကျပ်သန်းပေါင်း ၃၃ သိန်းကျော် လျားထားတာဖြစ်ပါတယ်။
သတင်း- ခွန်ရာဇာ
