Home
မြန်မာသတင်း
ပဲခူးတိုင်းတွင် ပြည်ပမှပြန်လာသူပေါင်း ၃၀၀၀ ကျော်ကို Quarantine ထားရှိ  
DVB
·
May 18, 2020
ပဲခူးတိုင်းအတွင်းမှာ   ပြည်ပနိုင်ငံတွေက ပြန်ရောက်လာသူ   ၃၀၀၀ ကျော်ကို အသွားအလာ ကန့်သတ် စောင့်ကြပ်  Facility Quarantine ထားရှိပြီး  ဆေးရုံမှာ COVID-19 သံသယလူနာ ၅ ယောက်ရှိတယ်လို့ တိုင်းအစိုးရက ထုတ်ပြန်ပါတယ်။ မေ ၁၇ ရက် နေ့လယ် ၁၂ နာရီအထိ စာရင်းတွေအရ ပဲခူးခရိုင်က Facility Quarantine ၁၃၅ ခုမှာ ပြည်ပကနေ ပြန်လာတဲ့ မြန်မာနိုင်ငံသား အယောက် ၇၄၀ ရှိပြီး ဆေးရုံမှာ သံသယလူနာ ၄ ယောက်ရှိပါတယ်။ တောင်ငူခရိုင်က Facility Quarantine ၁၅၈ ခုမှာ ပြည်ပကနေ ပြန်လာတဲ့ မြန်မာနိုင်ငံသား ၁၂၇၈ ယောက်၊ ပြည်ခရိုင်က Facility Quarantine ၁၇၉ ခုမှာ ပြည်ပကနေ ပြန်လာတဲ့ မြန်မာနိုင်ငံသား ၁၀၉၉ ယောက်နဲ့ ဆေးရုံမှာ သံသယလူနာ ၁ ယောက်၊ သာယာဝတီခရိုင်က Facility Quarantine ၄၅ ခုမှာ ပြည်ပကနေ ပြန်လာတဲ့ မြန်မာနိုင်ငံသား ၂၅၈ ယောက် ရှိတာကြောင့် တိုင်းတခုလုံးက Facility Quarantine ၅၁၇ ခုမှာ ၃၃၇၅ ယောက်ရှိနေပါတယ်။ ကျန်းမာရေးဝန်ကြီးဌာနရဲ့ စာရင်းတွေအရ ပဲခူးတိုင်းဟာ ရန်ကုန်နဲ့ မန္တလေးပြီးရင် COVID-19 စောင့်ကြည့်လူနာအများဆုံးရှိပြီး ဓာတ်ခွဲအတည်ပြု COVID-19 လူနာ ၇ ယောက်နဲ့ လတ်တလော ဆေးရုံမှာ အသွားအလာကန့်သတ်ခံထားရသူ ၃ ယောက် ရှိပါတယ်။
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024