COVID-19 အတည်ပြုလူနာများအနက် ၇၄ ဦး ရောဂါပိုးကင်းစင်၊ ၅၉ ဦး ဆေးရုံက ဆင်းခွင့်ရ
DVB
·
May 12, 2020
COVID-19 အတည်ပြုလူနာ ဟောင်းတွေရဲ့ ဓါတ်ခွဲနမူနာတွေကိုစစ်ဆေးရာမှာ Case 30နဲ့ Case 97 တို့မှာ ၂ ကြိမ်ဆက်တိုက်ပိုး မတွေ့ရှိတာကြောင့်ရောဂါပိုး ကင်းစင်သူ စုစုပေါင်း ၇၄ ဦး အထိရှိလာပြီး ဆေးရုံကနေ ၅၉ ဦး ဆင်းခွင့်ရထားတယ်လို့ ကျန်းမာရေးနဲ့ အားကစား ဝန်ကြီးဌာနက ကြေညာပါတယ်။
COVID-19 ရောဂါ ဓာတ်ခွဲအတည်ပြု လူနာသစ် မတွေ့ရှိဘူးလို့လည်း ကျန်းမာရေးနဲ့ အားကစားဝန်ကြီးဌာနက မနေ့ညက ထုတ် ပြန်ပါတယ်။
မေလ ၁၁ ရက်နေ့ကအမျိုးသားကျန်းမာရေး ဓါတ်ခွဲမှုဆိုင်ရာ ဌာနက စစ်ဆေးတဲ့ ဓါတ်ခွဲနမူနာ (၁၈၇)ခု၊နဲ့ ဆေးသုတေသနဦးစီးဌာနက စစ်ဆေးတဲ့ ဓါတ်ခွဲနမူနာ (၁၆၆)ခု စုစုပေါင်း (၃၅၃)ခုမှာ ဓါတ်ခွဲအတည်ပြုလူနာသစ် မတွေ့ရှိ တာပါ။
မေ ၁၂ ရက် မနက်ပိုင်း ၇ နာရီလောက်အထိ မြန်မာနိုင်ငံမှာ COVID-19 ရောဂါဓာတ်ခွဲ အတည်ပြုလူနာ ၁၈၀ ဦး၊ သေဆုံးသူ ၆ ဦးရှိတယ်လို့ ကျန်းမာရေးဌာနကထုတ်ပြန်ချက်အရ သိရပါတယ်။
