အထူးသတင်းဓာတ်ပုံ ပူလစ်ဇာဆု ရိုက်တာ ဓာတ်ပုံသတင်းထောက်များ ရရှိ

မနှစ်က ဟောင်ကောင် အကြမ်းဖက်ဆန္ဒပြပွဲကို မှတ်တမ်းတင်ခဲ့တဲ့  ရိုက်တာ သတင်းဌာနက ဓာတ်ပုံသတင်းထောက်တွေ ပူလစ်ဇာဆု  (အထူးသတင်းဓာတ်ပုံ)  ရရှိပါတယ်။   အမေရိကန်နိုင်ငံ အလာစကာပြည်နယ် ရွာတွေရဲ့ သုံးပုံတပုံဟာ ရဲတပ်ဖွဲ့ စောင့်ရှောက်မှု မရရှိဘူးဆိုပြီး ဖော်ပြခဲ့တဲ့ Anchorage Daily News နဲ့ ProPublica တို့က ပြည်သူ့ဝန်ဆောင်မှု သတင်းစာပညာအတွက် ပူလစ်ဇာဆုကို ရခဲ့ပါတယ်။ ပြည်နယ်အုပ်ချုပ်ရေးမှူးဟောင်း မက်ဘက်ဗန် ကပ်ပြီးထုတ်ပြန်တဲ့ လွတ်ငြိမ်းချမ်းသာခွင့်   ရသူတွေကို သတင်းလုပ်ခဲ့တဲ့ လူဝီဗီးလ်မြို့က Courier-Journal ကတော့ အထူးသတင်းဆု ရရှိပါတယ်။ စုံစမ်းထောက်လှမ်းသတင်းဆုကိုတော့ နယူးယောက်တိုင်းမ် သတင်းစာရဲ့ ဘရိုင်ယန်ရိုဆန်သာက  ရခဲ့တာပါ။ ဘရိုင်ယန်ဟာ အမြတ်ကြီးစား ငွေချေးသမားတွေကြောင့် ထောင်နဲ့ချီတဲ့ နယူးယောက် တက္ကစီဒရိုင်ဘာတွေရဲ့ဘ၀ ပျက်စီးရပုံကို ဖွင့်ဟဖော်ပြခဲ့တာ ဖြစ်ပါတယ်။ ပူလစ်ဇာဆု အမျိုးအစားများစွာထဲမှာ ပြည်သူ့ဝန်ဆောင်မှုဆုကိုတော့ လူအများ အနှစ်သက်ဆုံး၊ အားအကျဆုံးဆုအဖြစ် ရှုမြင်ကြပါတယ်။  ၂၀၂၀ ပြည့်နှစ် ပူလစ်ဇာဆုရှင်တွေမှာ သတင်းစာပညာအမျိုးအစား ၁၅ ခုနဲ့ စာအုပ်၊ ပြဇာတ်နဲ့ ဂီတအမျိုးအစား ၇ ခုက ဆုရသူတွေ ပါဝင်ပါတယ်။ ရိုက်တာသတင်းဌာနက ရရှိတဲ့  ပူလစ်ဇာဆုဟာ ၂၀၀၈ ခုနှစ်နောက်ပိုင်း သတင်းဌာနရဲ့  ၈ ခုမြောက်ဆုဖြစ်ပြီး ပြီးခဲ့တဲ့ ၃ နှစ်အတွင်း  ၅ ခုမြောက်ဆု ဖြစ်တယ်လို့ ရိုက်တာသတင်းအရ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up