တရုတ်နိုင်ငံ လွယ်ဂျယ်နယ်စပ်ဂိတ်မှ သီတင်း ၂ ပတ်အတွင်း ပြန်ဝင်လာသူ ၄၀၀၀ ကျော်ရှိ

တရုတ်နိုင်ငံကနေ လွယ်ဂျယ်နယ်စပ်ဂိတ်ကနေတဆင့်  ပြန်ဝင်လာသူ အရေအတွက်ဟာ ဧပြီ ၁၆ ရက်ကနေ ဒီကနေ့ ဧပြီ ၃၀ ရက်နေ့လည်ပိုင်းအထိ ၄၀၀၀ ကျော်ရှိနေပြီလို့ ဗန်းမော်ပြည်သူ့လွှတ်တော်ကိုယ်စားလှယ် ဦးအောင်သိန်းက ပြောပါတယ်။ ပြီးခဲ့တဲ့ ဧပြီ ၁၆ ရက်နေ့ ကတည်းကစတင်ပြီး တရုတ်နိုင်ငံက ပြန်လာတဲ့ မြန်မာနိုင်ငံသားတွေကို  လွယ်ဂျယ် နယ်စပ်ဂိတ်ကနေ လက်ခံခဲ့တာ ဖြစ်ပါတယ်။  ပြန်လာသူအများစုက ကချင်ပြည်နယ်အတွင်းက ဖြစ်ပြီး ကျန်တဲ့တိုင်းနဲ့ပြည်နယ်ကို ပြန်မယ့်သူတွေကိုတော့ ကားနဲ့ရော သင်္ဘာနဲ့ပါ  ဧပြီလ ၁၉  ရက်နေ့က စတင်ပို့ဆောင်ခဲ့ပါတယ်။ ဒီကနေ့အထိပြန်လာသူတွေ ရှိနေသေးတယ်လို့ ဆိုပါတယ်။  လွယ်ဂျယ်နယ်စပ်ဂိတ်က ပြန်ဝင်လာသူ အားလုံးကို သတ်မှတ်နေရာတွေမှာ quarantine ၂၁ ရက်ထားပြီးရင် အိမ်မှာ ၇ ရက် အသွားအလာကန့်သတ်စောင့်ကြည့် quarantine ဆက်လက် ထားရှိမှာ ဖြစ်ပါတယ်။ တရုတ်နိုင်ငံမှာ သွားရောက် အလုပ်လုပ် ကိုင်နေတဲ့ မြန်မာနိုင်ငံသား ခန့်မှန်းချေ ၂၀၀၀၀ ဝန်ကျင်ရှိတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up