A d v e r t i s e m e n t With Us

ထောင်ထဲတွင် နေရမည်ဟု တခါမှ မတွေးခဲ့ဖူးကြောင်း ရော်နယ်ဒင်ညိုပြော

ထောင်ထဲမှာ နေခဲ့ရလိမ့်မယ်လို့ တကြိမ်တခါမှ မတွေးခဲ့ဘူးကြောင်း ဘရာဇီး ဂန္ထဝင်တိုက်စစ်မှူး ရော်နယ်ဒင်ညိုက ပြောပါတယ်။ ဘရာဇီးနဲ့ ဘာစီလိုနာ ကစားသမားဟောင်း ရော်နယ်ဒင်ညိုဟာ ပတ်စ်ပို့အတု ကိုင်ဆောင်မှုကြောင့် ပါရာဂွေးနိုင်ငံမှာ သူ့ရဲ့အစ်ကိုနဲ့အတူ အဖမ်းခံခဲ့ရတာပါ။ ထောင်ထဲမှာ ၃၂ ရက်ခန့် နေထိုင်ခဲ့ရပြီးနောက် လက်ရှိအချိန်မှာ နေအိမ်အကျယ်ချုပ်နဲ့ ဆက်လက်ထိန်းသိမ်းခံနေရကာ အမှုကိုလည်း ဆက်လက်ရင်ဆိုင်နေရတာ ဖြစ်ပါတယ်။  ဟိုတယ်တခုမှာ အကျယ်ချုပ်နဲ့ နေထိုင်ရစဉ်မှာ ပါရာဂွေးရုပ်သံ ABC နဲ့ အင်တာဗျူးခဲ့ပြီး ဒီလို အခက်ခဲဆုံးအချိန်တွေ ကြုံတွေ့ခဲ့ရလိမ့်မယ်လို့ မတွေးခဲ့ဘူးကြောင်း ရော်နယ်ဒင်ညိုက ပြောပါတယ်။ ရော်နယ်ဒင်ညိုနဲ့ သူ့ရဲ့အစ်ကိုဖြစ်သူဟာ ပါရာဂွေးကုမ္ပဏီတခုက ပေးတဲ့ ပတ်စ်ပို့စ်နဲ့ ဝင်ရောက်လာခဲ့တာဖြစ်ပြီး အတုပြုလုပ်တယ်လို့ တရားစွဲဆိုခံထားရမူပေါ်မှာ အံ့အားသင့်မိပြီး အမှန်အတိုင်း ပေါ်ပေါက်စေချင်တယ်လို့ ရော်နယ်ဒင်ညိုက ပြောပါတယ်။

A d v e r t i s e m e n t With Us

More News
Up