ရွှေဂတ်စ် ဓာတ်ငွေနှင့် ရေနံပိုက်လိုင်း စုံစမ်းစစ်ဆေးရန် တောင်းဆို
DVB
·
April 9, 2013
ရခိုင်ပြည်နယ် ကျောက်ဖြူကနေ တရုတ်နိုင်ငံ ယူနန်ပြည်နယ်ကို ဆက်သွယ်မယ့် ရွှေဂက်စ် ရေနံနဲ့ သဘာဝဓာတ်ငွေ့ ပိုက်လိုင်းကို ယာယီရပ်ဆိုင်းပြီး စုံစမ်းစစ်ဆေးတာတွေ လုပ်ဆောင်သွားဖို့ တအာဝ်း ကျောင်းသားနှင့် လူငယ်များအဖွဲ့ (TSYU) က တောင်းဆိုလိုက်ပါတယ်။
ရှမ်းပြည်မြောက်ပိုင်း ကျောက်မဲနဲ့ နမ့်ခမ်းမြို့နယ်ကြားက တအာင်း လူမျိုးတွေ အများစု နေထိုင်တဲ့ ရွာပေါင်း ၅၁ ရွာနဲ့ လူဦးရေ ၈ ထောင်နီးပါးကို ထိခိုက်နိုင်တဲ့အတွက် ဒီစီမံကိန်းကို စုံစမ်းရေး ကော်မရှင်ဖွဲ့ပြီး စစ်ဆေးပေးဖို့ တောင်းဆိုလိုက်တာပါ။
ဧပြီ ၉ ရက်နေ့က ရန်ကုန်တော်ဝင်နှင်းဆီမှာ ပြုလုပ်တဲ့ သတင်းစာရှင်းလင်းပွဲကနေ အခုလို တောင်းဆို လိုက်တာလည်း ဖြစ်ပါတယ်။
ရွှေဂတ်စ် ရေနံနဲ့ သဘာဝဓာတ်ငွေ့ပိုက်လိုင်းကနေပြီးတော့ ရေနံနဲ့သဘာဝဓာတ်ငွေတွေကို ဇွန်လမှာ စတင် တင်ပို့တော့မယ်လို့ သတင်းရထားတဲ့အတွက် အခုလို တောင်းဆိုရတာလို့ TSYU တွဲဖက်အထွေထွေအတွင်းရေးမှူး ၁ မိုင်မျိုးအောင်က ပြောပါတယ်။
“ကောက်ထားတဲ့ စစ်တမ်းတွေအရ ရွှေဂတ်စ် ရေနံနဲ့သဘာဝဓာတ်ငွေ့ပိုက်လိုင်းက ဒေသခံလူထုတွေအတွက် အကျိုးမရှိဘူး။ ဆိုးကျိုးပဲရှိတယ်။ ဒါကြောင့် ဒီစီမံကိန်းကို ယာယီရပ်ဆိုင်းပြီး ကော်မရှင်ဖွဲ့ပြီး စုံစမ်းစစ်ဆေးပေးဖို့။ လူ့အခွင့်အရေးချိုးဖောက်မှုတွေ၊ မမျှတမှုအပိုင်းတွေကို စုံစမ်းပေးဖို့ ကျနော်တို့က လုပ်ရခြင်း ရည်ရွယ်ချက်ဖြစ်တယ်။ အဓိကက လျော်ကြေးပေးတယ်ဆိုပေမယ့် မြို့နားပဲပေးပြီး တကယ့် ဝေးလံခေါင်ဖျားတဲ့ရွာတွေမှာ လျော်ကြေးအပြည့်အ၀မပေးဘူး။ မမျှတတဲ့ လျော်ကြေးတွေဖြစ်တော့ အဲအတွက် လျော်ကြေးအပြည့်မရတဲ့ လူထုတွေလည်း ရှိတယ်။ နောက် ပိုက်လိုင်းကို ပထမဆုံးရေနဲ့စမ်းသပ်ပြီး လွှတ်တာမှာ ပေါက်ကွဲမှုတွေဖြစ်တယ်။ လူထုအတွက် အန္တရာယ်ဖြစ်စေတယ်။ ပိုက်လိုင်းကြောင့် အဲတလျှောက်မှာ စစ်ဆေးရေးဂိတ်တွေချထားတော့ လူထုက အလုပ်သွားလုပ်ရင်တောင် စစ်ဆေးခံရတယ်။ လူထုအတွက် စိတ်အနှောင့်အယှက်ဖြစ်တာပေါ့။ အထူးသဖြင့် အမျိုးသမီးတွေ စိတ်အနှောင့်အယှက်ဖြစ်ရတယ်။”
ဓာတ်ငွေ့ပိုက်လိုင်းဖြတ်သန်းသွားတဲ့နေရာမှာ နေထိုင်တဲ့ဒေသခံတွေကလည်း ဓာတ်ငွေ့ပိုက်လိုင်းကြောင့် စိုးရွံနေရတယ်လို့လည်း ဆိုပါတယ်။ ပထမခြေလှမ်း တောင်းဆိုချက်ဖြစ်ပြီးတော့ မလိုက်လျောရင်လည်း နောက်ထပ် စည်းရုံးလှုပ်ရှားမှုတွေကို ဆောင်ရွက်သွား မယ်လို့ မိုင်မျိုးအောင်က ပြောပါတယ်။
ဒီပိုက်လိုင်းကို ရပ်တန့်ပေးဖို့ ရှမ်းပြည်မြောက်ပိုင်းက လယ်သမား ကော်မတီကလည်း အရင်ရက်ပိုင်းက တောင်းဆိုခဲ့သလို ပြည်နယ်အစိုးရထံကို စာရေးသားပေးပို့ခဲ့ပါတယ်။
ဒီပိုက်လိုင်းက ဘင်္ဂလားပင်လယ်အော်ထဲက သဘာဝဓာတ်ငွေနဲ့ အရှေ့အလယ်ပိုင်းက ရေနံတွေကို တရုတ်နိုင်ငံ ယူနန်ပြည်နယ်ကို သယ်ဆောင်ပေးမှာ ဖြစ်ပါတယ်။
စီမံကိန်းဟာ တရုတ် အမျိုးသား ရေနံကော်ပိုရေးရှင်းနဲ့ မြန်မာ့ရေနံနဲ့ သဘာဝဓာတ်ငွေ့ လုပ်ငန်းတို့က ပူးပေါင်းလုပ်ဆောင်တာလည်း ဖြစ်ပါတယ်။
တရုတ်ကို နှစ်ပေါင်း ၃၀ နီးပါး ဓာတ်ငွေ့ရောင်းချမှုကနေ မြန်မာအစိုးရက ခန့်မှန်း ဒေါ်လာ ၂၉ ဘီလီယံ ရရှိမှာလည်း ဖြစ်ပါတယ်။