COVID-19 လူနာသစ် ၁၁ ဦးထပ်တွေ့၊ အတည်ပြုလူနာပေါင်း ၈၅ ဦးရှိဟု မြန်မာ့အသံကြေညာ
DVB
·
April 16, 2020
COVID-19 ရောဂါကူးစက်ခံရတဲ့ ဓာတ်ခွဲအတည်ပြုလူနာသစ် ၁၁ ဦး ထပ်မံတွေ့ရှိပြီး ဒီနေ့မနက်အထိ မြန်မာနိုင်ငံမှာ ရောဂါပိုးရှိသူ အတည်ပြုလူနာ စုစုပေါင်း ၈၅ ဦးရှိသွားပြီ ဖြစ်တယ်လို့ နိုင်ငံပိုင် MRTV သတင်းဌာနက ဒီမနက် ၈ နာရီသတင်းမှာ ကြေညာသွားပါတယ်။
ဧပြီလ ၁၅ ရက်နေ့က တိုင်းဒေသကြီးနဲ့ပြည်နယ်အသီးသီးကနေ ပေးပို့လာတဲ့ COVID-19 ရောဂါစောင့်ကြည့် လူနာတွေနဲ့ အသွားအလာကန့်သတ်ခြင်း စောင့်ကြည့်ထားသူ စုစုပေါင်း အယောက် ၄၀၀ ကို ဓာတ်ခွဲနမူနာတွေ ထဲက ၁၂၈ ယောက်က ရောဂါပိုးမတွေ့ရှိဘူးလို့ ဧပြီ ၁၅ ရက်နေ့ ည ၈ နာရီမှာ ထုတ်ပြန်ထားပြီးဖြစ်ပါတယ်။
ကျန်နေတဲ့ ၂၇၂ ဦးထဲက ၁၁ ဦးမှာ ကိုရိုနာဗိုင်းရပ်စ် ရောဂါပိုးတွေ့ရှိတယ်လို့ ဧပြီလ ၁၆ ရက်နေ့ မနက် ၃ နာရီအချိန်မှာ အမျိုးသားကျန်းမာရေးဓာတ်ခွဲမှုဆိုင်ရာဌာန ရန်ကုန် က သတင်းထုတ်ပြန်တယ်လို့ မြန်မာ့အသံက ကြေညာသွားခဲ့တာပါတယ်။
လက်ရှိမှာ မြန်မာနိုင်ငံတဝန်း COVID-19 အတည်ပြုလူနာ စုစုပေါင်း ၈၅ ယောက်ရှိသွားပြီးဖြစ်ပြီး အဲဒီအထဲက ၄ ယောက် သေဆုံးကာ ၂ ဦး ပြန်လည်သက်သာသွားခဲ့ပါတယ်။
