အင်းစိန်ကအတည်ပြုလူနာ အမှတ် ၃၇ နှင့်ထိတွေ့ခဲ့သူကို လွိုင်ကော်ဆေးရုံတွင် သီးခြားကုသပေး

ဓာတ်ပုံ - Lkw Lkw
COVID-19 အတည်ပြုလူနာ အမှတ် ၃၇ နဲ့ ထိတွေ့ခဲ့သူတဦးကို သံသယလူနာအဖြစ် လွိုင်ကော်ပြည်သူ့ဆေးရုံမှာ ဧပြီ ၁၃ ရက် ညနေပိုင်းက ပို့ဆောင်ပြီး သီးခြားကုသဆောင်  Quarentine ခန်းမှာ ထားရှိစောင့်ကြပ်ကြည့်ရှူနေပါတယ်။ အဆိုပါ လူနာဟာ လွိုင်ကော်မြို့ ဒေါဥခူရပ်ကွက်မှာနေထိုင်တာဖြစ်ပြီး ကိုယ်လက်မအီမသာ ဖြစ်ကြောင်း၊ COVID-19 အတည်ပြုလူနာ အမှတ် ၃၇ နဲ့ ထိတွေ့မှု ရှိခဲ့ကြောင်း လွိုင်ကော်မြို့နယ် ပြည်သူ့ကျန်းမာရေးဦးစီးဌာနသို့ ဆက်သွယ်ခဲ့ပြီး ဆေးရုံကားနဲ့ ပြည်သူ့ဆေးရုံကို ပို့ဆောင် ကုသထားတာဖြစ်ပါတယ်။ အဆိုပါ သံသယလူနာဟာ ဧပြီ ၇ ရက်က ရန်ကုန်မြို့၊ လှိုင်သာယာမြို့နယ်ရှိ ပန်းလှိုင်အိမ်ရာမှ လူ ၅ ဦးပါဝင်တဲ့ ကိုယ်ပိုင်ကားနဲ့ လွိုင်ကော်မြို့သို့ ပြန်လာစဉ် လမ်းမှာ အပေါ့အပါး သွားလိုတဲ့အတွက် သူငယ်ချင်းဖြစ်သူကို စောင့်ဆိုင်းရင်း ဆွေမျိုးတော်စပ်သူ အင်းစိန်မြို့နယ်ရှိ လူနာအမှတ် ၃၇ ရဲ့နေအိမ်သို့ဝင်ရောက်ခဲ့ပြီး အပေါ့အပါးသွားခဲ့ရာ လူနာ အမှတ် ၃၇ က အိမ်အောက်ထပ်မှာ လာခေါ်ပြီး ဓာတ်လှေကား စက္ကန့်ပိုင်းမျှကြာ အတူစီးခဲ့ကြောင်း သိရှိရပါတယ်။ ဒါကြောင့် သံသယ လူနာနဲ့မိသားစုဝင်အပါအဝင် တဝန်းထဲနေသူ ၂၀ ဦးအပြင် သူနဲ့အတူ ကားစီးလာတဲ့ ပန်ကန်းမှာ နေထိုင်တဲ့ သူငယ်ချင်းဖြစ်သူနဲ့ ဇနီးအပါအဝင် မိသားစုဝင် ၃ ဦး အပါအဝင်  အားလုံး ၂၃ ဦးကိုလည်း သူနာပြုသင်တန်းကျောင်းမှာ Quarantine ပို့ဆောင်ထား ပါတယ်။ ကယားပြည်နယ်မှာ COVID-19 ပို့တွေ့သူ မရှိသေးပေမယ့် သံသယရှိလူနာအဖြစ် စောင့်ကြပ်ကြည့်ရှုထားသူ ၇ ဦးပြီး ၃ ဦးမှာ ပို့မတွေ့ရကြောင်းနဲ့ ကျန် ၄ ဦးကတော့ ဆေးစစ်ချက် စောင့်ဆဲနေဖြစ်ကြောင်း ဧပြီ ၁၃ ရက်မှာ  ပြည်နယ်အစိုးရက ထုတ်ပြန်ပါတယ်။  

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up