ဖြိုးပြည့်စုံ၊ မိစန္ဒီတို့ သီဆိုသည့် “ကမ္ဘာ့ အပြင်သွားပါ ကိုရိုနာ’ပညာပေးသီချင်း(ရုပ်သံ)
DVB
·
March 30, 2020
“လက်ကို ခဏခဏဆေးပါ… လူစုလူဝေးရှောင်ရှားပါ… နှာစေးချောင်းဆိုးရင် အုပ်ထားပါ… ကိုယ့်ကြောင့်ကူးစက်သွားမှာ… ဒါလုံးဝလုံးဝမကောင်းပါ… မိမိကစ ကာ ကွယ်ပါ”
ဒါကတော့ လတ်တလော ကမ္ဘာ့ကပ်ရောဂါတခုလို ဖြစ်လာနေတဲ့ ကိုရိုနာ COVID- 19 ကပ်ရောဂါ ကာကွယ်တားဆီးရေး ပညာပေးသီချင်းတပုဒ်ထဲက စာသားတွေဖြစ်ပြီး အဆိုတော် ဖြိုးပြည့်စုံနဲ့ မိစန္ဒီတို့က စုံတွဲသီဆိုပေးထားကြတာ ဖြစ်ပါတယ်။
“Away Corona"-"ကမ္ဘာ့ အပြင်သွားပါ ကိုရိုနာ"လို့ အမည်ပေးထားတဲ့ ဒီသီချင်း ကိုတော့ တေးရေး Dr.ဖြိုးဝေလင်း(OnDoctor)က ရေးစပ်ပေးထားခဲ့ပြီး ရက်ပ်စာသား တွေကိုတော့ မိစန္ဒီက ရေးစပ်ခဲ့တာပါ။
“မျက်လုံး၊ နှာခေါင်းနဲ့ မျက်နှာ… ပါးစပ်ရဲ့ ဟိုးအဝေးမှာ လက်ကို ငြိမ်ငြိမ်ထားပါ … ကိုယ့်ကို ကူးစက်သွားမှာ… ဒါလုံးဝလုံးဝမကောင်းပါ… COVID-19 ဟာ တကယ် ကြောက်စရာ… အာအာ… အာအာ… အာအာ… လက်ဆေးပါ… အားလုံး အားလုံး အား လုံး လက်ဆေးပါ… ဒီလိုဒီလို ဒီကို အုပ်ထားပါ… ဒီကမ္ဘာမြေက ထွက်သွားပါ ကိုရိုနာ”
ဒီသီချင်းရုပ်သံကိုတော့ OnDoctor Healthcae App နဲ့ ရန်ကုန်တိုင်းပြည်သူ့ကျန်းမာရေးဦးစီးဌာနတို့ပူးပေါင်းစီစဉ်တာဖြစ်ပြီး COVID-19 ကပ်ရောဂါဆိုးအတွက် ကာကွယ် ရေး နည်းလမ်းတွေကို ပြည်သူလူထုကြား ပိုမိုပျံ့နှံ့ရောက်ရှိစေဖို့ ရည်ရွယ်တာ ဖြစ်ပါ တယ်။
ကမ္ဘာ့ကပ်ရောဂါတခုလို ဖြစ်နေတဲ့ ကိုရိုနာ COVID-19 ကူးစက်မှုဟာ မြန်မာနိုင်ငံမှာတော့ လတ်တလောအချိန်ထိ ၁၀ ဦး တွေ့ရှိထားခဲ့ပြီ ဖြစ်ပါတယ်။
သက်ဆိုင်ရာကလည်း ဒီရောဂါကူးစက်ပျံ့ပွားမှုကို ထိန်းချုပ်ကာကွယ်နိုင်ဖို့ လူစု လူဝေးနဲ့ ပွဲလမ်းသဘင်အခမ်းအနားတွေ ရှောင်ကြဉ်ကြဖို့၊ ကျန်းမာရေးဝန်ကြီးဌာနရဲ့ အ ချိန်နဲ့ တပြေးညီသတင်းထုတ်ပြန်ချက်တွေကို သတိပြုကြဖို့နဲ့ ကျန်းမာရေး၊ အသိ၊ သတိ ရှိကြစေဖို့ ကြေငြာချက်တွေ အဆက်မပြတ်ထုတ်ပြန်ပေးနေတာ ဖြစ်ပါတယ်။