ကိုရိုနာထိန်းချုပ်ရေး သန်းနှင့်ချီကြော်ငြာများ Facebook က အခမဲ့ခွင့်ပြု

Photo : Facebook
ကိုရိုနာဗိုင်းရပ်စ် ကူးစက်မှု ထိန်းချုပ်ရေးနဲ့ ပတ်သက်ပြီး Facebook သုံးစွဲသူတွေဆီ သတင်းစကား ရောက်အောင် ကူညီဖို့ ဖေ့စ်ဘွတ်ခ် ကမ္ဘာ့ကျန်းမာရေးအဖွဲ့(WHO)နဲ့ ကမ္ဘာတလွှားက အစိုးရတွေအတွက် သန်းနဲ့ချီတဲ့ ကြော်ငြာတွေကို အခမဲ့ သုံးခွင့်ပြုလိုက်ပါတယ်။  ဖေ့စ်ဘွတ်ခ်ကိုသုံးပြီး သတင်းအချက်အလက် အမှားတွေ၊ လုပ်ကြံသတင်းတွေ ဖြန့်ဖြူးမှု လျှော့ချဖို့နဲ့ အချက်အလက် အစစ်အမှန်တွေကို ဖြန့်ချိနိုင်ဖို့ ကိုရိုနာဗိုင်းရပ်စ် သတင်းအချက်အလက်ဌာနကိုလည်း ဖေ့စ်ဘွတ်ခ်က ဖန်တီးလိုက်ပါတယ်။  “ကိုရိုနာဗိုင်းရပ်စ်နဲ့ပတ်သက်တဲ့ ကျနော်တို့ အလုပ် တစိတ်တပိုင်းက သတင်းအချက်အလက် အမှားတွေနဲ့ အန္တရာယ်ရှိတဲ့ သတင်းအချက်အလက်တွေကို လျှော့ချဖို့ပါ” လို့ ဖေ့စ်ဘွတ်ခ်တာဝန်ရှိသူတဦးဖြစ်တဲ့ ကျင်းခန်ရှင်းက ပြောတယ်လို့ ရိုက်တာ သတင်းဌာမှာ မတ်လ ၁၉ ရက်က ဖော်ပြပါတယ်။ ဒါကြောင့် ဖေ့စ်ဘွတ်ခ် သုံးသူတွေဟာ WHO လို၊ ရောဂါထိန်းချုပ်ရေးနဲ့ ဟန့်တားရေးဌာနများ CDC တို့လို ယုံကြည်စိတ်ချရတဲ့ သတင်းရင်းမြစ်တွေဆီက သတင်းမှန်တွေရဲ့ အင်တာနက် စာမျက်နှာတွေကို ရှာနိုင်တော့မှာပါ။ ဒါ့အပြင် ကာကွယ်ရေး မျက်နှာဖုံးတွေကို ကြော်ငြာဖို့ အလွဲသုံးစားလုပ်တဲ့ ကိစ္စရပ်တွေကို နှိမ်နင်းဖို့ လုပ်ဆောင်နေတယ်လို့ သိရပါတယ်။ “စည်းမျဉ်းကို အတိအကျ လိုက်နာစေရေး ကျနော်တို့ရဲ့ အားထုတ်မှုတွေက ခြောက်ပြစ်ကင်း သဲလဲစင် မဖြစ်သေးဘူး။ ဒါပေမယ့် တိုးတက်အောင် လုပ်နေပါတယ်” လို့ ကျင်းခန်ရှင်းက ပြောပါတယ်။ ကိုရိုနာဗိုင်းရပ်စ် သတင်းအချက်အလက်ဌာနကို ဖွဲ့စည်းရုံသာမက ဖေ့စ်ဘွတ်ခ်ဟာ ကိုရိုနာဗိုင်းရပ်စ်ကပ်ဘေး သက်သာရေး အားထုတ်မှုတွေကို ကူညီဖို့ အမေရိကန်ဒေါ်လာ သန်း ၂၀ နဲ့ အသေးစား စီးပွားရေးလုပ်ငန်းတွေကို ထောက်ပံ့ဖို့ အမေရိကန်ဒေါ်လာ သန်း ၁၀၀ လှူမယ်လို့ ကြေညာခဲ့ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up