ပွင့်ဖြူမြို့နယ်တွင် ယာဉ်တစီး ချောက်ထဲထိုးကျမှုကြောင့် ၂ ဦးသေဆုံး၊ ၈ ဦး ဒဏ်ရာရ

Myanmar Fire Services Department
မကွေးတိုင်း၊ ပွင့်ဖြူမြို့နယ်၊ ကျွဲတံခါးကျေးရွာအုပ်စု၊ ချောင်းဆုံကျေးရွာ၊ ပုသိမ်-မုံရွာလမ်း၊ မိုင်တိုင်အမှတ် ၂၅၁/၃ အနီးမှာ ဒီနေ့မနက် ၅ နာရီခွဲလောက်က မော်တော်ယာဉ် ၁ စီး လမ်းဝဲဘက်ရှိ ချောက်ထဲ ထိုးကျတိမ်းမှောက်ခဲ့တာကြောင့် သံဃာ ၁ ပါးနဲ့ အမျိုးသမီး ၁ ဦးသေဆုံးပြီး ၈ ဦး ဒဏ်ရာရခဲ့ပါတယ်။ အခင်းဖြစ်နေရာကို မဲဇလီနယ်မြေမီးသတ်စခန်း၊ ရွှေစက်တော်နယ်မြေ၊ ငဖဲမြို့နယ်နဲ့ စလင်းမြို့နယ်မီးသတ်စခန်းတွေက သန္ဓေနဲ့အရန်တပ်ဖွဲ့ဝင်တွေ၊ ဆည်တော်ကျေးရွာမှ မြင့်မြတ်စိတ်ထား လူမှုကူညီရေးအသင်းအဖွဲ့ဝင်တွေက ရှာဖွေကယ်ဆယ်ရေးလုပ်ငန်းတွေ ဆောင်ရွက်ခဲ့ကြပါတယ်။ ယာဉ်ပေါ်ပါ လိုက်ပါစီးနင်းသူ သံဃာတော်တစ်ပါး(ပျံလွန်တော်မူ)၊ မ ၁ ဦး (သေဆုံး) တို့နဲ့ ဒဏ်ရာရသူ ၈ ဦးတို့အား မဲဇလီလူမှုကူညီရေးအသင်းနဲ့ ဆည်တော်ကျေးရွာ လူမှုကူညီရေးအသင်းယာဉ်တွေနဲ့ မဲဇလီပြည်သူ့ဆေးရုံကို ပို့ဆောင်ပေးခဲ့ပါတယ်လို့ ပြည်ထဲရေးက သတင်းထုတ်ပြန်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up