ကိုရိုနာဗိုင်းရပ်စ်ကြောင့် Diamond Princess သင်္ဘော ခရီးသည်တဦး ထပ်မံသေဆုံး

Diamond Princess အပျော်စီးခရီးသည်တင်သင်္ဘောမှ ဗြိတိန်နိုင်ငံသား ခရီးသည် အမျိုးသား တယောက်ဟာ  ဖေဖော်ဝါရီ ၂၈ ရက်က ကိုရိုနာဗိုင်းရပ်စ်ကြောင့် သေဆုံးခဲ့ပြီး စုစုပေါင်းသေဆုံးသူ ၆ ယောက်အထိ ရှိလာပါတယ်။  အဲဒီအမျိုးသားဟာ ကိုရိုနာဗိုင်းရပ်စ်ကြောင့် သေဆုံးတဲ့ ပထမဆုံးဗြိတိန်နိုင်ငံသားဖြစ်ပြီး အဲဒီသင်္ဘောပေါ်မှာ ကူးစက်ခံရသူ ၇၀၀ ကျော် ရှိပါတယ်။  Diamond Princess သင်္ဘောပေါ်က ခရီးသည် ၆ ယောက်အပါအဝင် ဂျပန်နိုင်ငံမှာ ကိုရိုနာဗိုင်းရပ်စ်ကြောင့် သေဆုံးသူ ၁၁ ယောက်အထိ ရှိလာပါတယ်။  ဂျပန်တနိုင်ငံလုံးမှာ ကူးစက်ခံရသူကတော့ ၂၃၄ ယောက် ရှိနေပါတယ်။ Covid-19 ဗိုင်းရပ်စ်ကြောင့် ကမ္ဘာတဝှမ်းသေဆုံးသူစုစုပေါင်း  ၂,၉၂၄ ဦး၊ ကူးစက်ခံရသူ ၈၅,၂၀၇ ဦးနဲ့ ပြန်ကောင်းမွန်လာသူကလည်း ၃၉,၅၀၄ ဦး ရှိပါတယ်။  အခုဆိုရင် ကိုရိုနာဗိုင်းရပ်စ်မှာ ကမ္ဘာ့နိုင်ငံနဲ့ နယ်မြေပေါင်း ၆၀ မှာ ကူးစက်ပြန့်ပွားနေပါတယ်။  တရုတ်ပြည်မကြီးမှာ စုစုပေါင်းသေဆုံးသူ ၂,၈၃၅ ဦးရှိပြီး တရုတ်နိုင်ငံပြင်ပ ဒုတိယအများဆုံး သေဆုံးနိုင်ငံကတော့  အီရန် ဖြစ်ပါတယ်။  အီရန်မှာ ဗိုင်းရပ်စ်ကြောင့် သေဆုံးသူ ၃၄ ယောက်ရှိပြီး ကူးစက်ခံရသူ ၃၈၈ ယောက်ရှိပါတယ်။  ကိုရိုနာဗိုင်းရပ်စ်ဟာ အာရှ ၊ ဥရောပ ၊  အမေရိက ၊ အရှေ့အလယ်ပိုင်းနိုင်ငံတွေအပြင် အီဂျစ်၊  အယ်ဂျီးရီးယားနဲ့ နိုက်ဂျီးရီးယား စတဲ့ အာဖရိကနိုင်ငံတွေအထိ ကူးစက် ပျံ့နှံ့နေတယ်လို့ Worldometer ဝက်ဆိုက်မှာ ဖော်ပြထားပါတယ်။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up