Live
Home
မြန်မာသတင်း
စစ်ကိုင်းတိုင်းဖွံ့ဖြိုးရေးအတွက် ယခုဘဏ္ဍာနှစ်တွင် ငွေကျပ်သန်းပေါင်း ၂ သိန်းခွဲကျော် သုံးစွဲမည်
Aung Ko Latt
·
February 20, 2020
စစ်ကိုင်းတိုင်းအတွင်း ဒေသဖွံ့ဖြိုးရေးလုပ်ငန်းတွေ လုပ်ဆောင်နိုင်ဖို့အတွက် ငွေကျပ်သန်းပေါင်း ၂၅၃၀၈၃ ဒသမ ၇ သန်းကျော်ကို သုံးစွဲသွားမယ်လို့ စီမံ/ဘဏ္ဍာဝန်ကြီးရဲ့ စာရင်းတွေအရ သိရပါတယ်။  အဲဒီထဲမှာ သာမန်အသုံးစရိတ်အနေနဲ့ ငွေကျပ်သန်းပေါင်း ၈၉၀၄၃ ဒသမ ၂ သန်း၊ ငွေလုံးငွေရင်း အသုံးစရိတ်အနေနဲ့ ငွေကျပ်သန်းပေါင်း ၁၆၄၀၄၀ ဒသမ ၅၃၇ သန်းရှိပါတယ်။ အဲဒီဘဏ္ဍာငွေတွေကို လမ်းတံတားလုပ်ငန်းအတွက် ၅၃ ဒသမ ၂၉ ရာခိုင်နှုန်းနဲ့ အများဆုံးသုံးစွဲမှာဖြစ်ပြီး မီးလင်းရေးကတော့ ၁၇ ဒသမ ၈၄ ရာခိုင်နှုန်းနဲ့ ဒုတိယအ များဆုံးသုံးစွဲမှာဖြစ်ပါတယ်။  အနည်းဆုံးကတော့ စိမ်းလန်းစိုပြေရေးကဏ္ဍဖြစ်ကာ ၀ ဒသမ ၁၈ ရာခိုင်နှုန်းကိုသာ သုံးစွဲမှာဖြစ်ပြီး ပညာရေး၊ သောက်သုံးရေနဲ့  ရုံးပစ္စည်းကဏ္ဍတွေကလည်း ၁ ရာခိုင်နှုန်းဝန်းကျင်သာ ရှိပါတယ်။ ဖေဖော်ဝါရီ ၂၀ ရက်နေ့ တိုင်းလွှတ်တော်ပုံမှန်အစည်းအဝေးမှာလည်း စီမံ/ဘဏ္ဍာဝန်ကြီး ဦးစိုးဦးက စစ်ကိုင်းတိုင်းဒေသကြီးအတွင်းရှိ အစိုးရအဖွဲ့၊ လွှတ်တော်၊ စာရင်းစစ်ရုံးတွေအပြင် တခြားသောဌာနအဖွဲ့အစည်းတွေ စုစုပေါင်း ၂၇ ခုအတွက် အခုဘဏ္ဍာနှစ် ၂၀၁၉-၂၀၂၀ အတွက် ဖြည့်စွက်ခွင့်ပြုငွေကျပ်သန်းပေါင်း ၁၆၃၅၇ သန်းကျော်ကို အတည်ပြုပေးဖို့ လွှတ်တော်ကို တင်ပြခဲ့ပါတယ်။ ဖြည့်စွက်ခွင့်ပြုငွေတောင်းခံရာမှာ သာမန်အသုံးစရိတ်အတွက် ဗဟိုအဖွဲ့အစည်း ၃ ဖွဲ့ အတွက် ၁၇၃ ဒသမ ၂ သန်းကျော်၊ ဝန်ကြီးဌာန၊ ဦးစီးဌာန စုစုပေါင်း ၁၂ ဖွဲ့အတွက် ၁၆၁၄ ဒသမ ၈ သန်းကျော်နဲ့ စည်ပင်သာယာရေးအဖွဲ့ ၁ ဖွဲ့အတွက် ၁၃၃ ဒသမ ၉ သန်းကျော် စုစုပေါင်း ငွေကျပ်သန်းပေါင်း ၁၉၂၁ သန်းကျော်ဖြစ်ပါတယ်။  ငွေလုံးငွေရင်းအသုံးစရိတ်အတွက် ဗဟိုအဖွဲ့အစည်းနှစ်ဖွဲ့အတွက် ၂၁၇၇ ဒသမ ၁ သန်းကျော်၊ ဝန်ကြီးဌာန၊ ဦးစီးဌာနပေါင်း ၆ ဖွဲ့အတွက် ၇၀၇၈ ဒသမ ၇ သန်းကျော်၊ နိုင်ငံတော်ပိုင်စီးပွားရေး အဖွဲ့အစည်း တခုအတွက် ကျပ်သန်း ၂၀၀၀ နဲ့  စည်ပင်သာယာရေး အဖွဲ့ တဖွဲ့အတွက် ကျပ် ၃၁၈၀ သန်း စုစုပေါင်း ငွေကျပ်သန်းပေါင်း ၁၄၄၃၅ သန်းကျော်ကို တောင်းခံခဲ့တာပါ။  မူလခန့်မှန်းခြေငွေစာရင်းမှာ သာမန်အသုံးစရိတ်အတွက် ရငွေကျပ်သန်းပေါင်း ၄၃၁၆၉ ဒသမ ၅ သန်းကျော်ရှိပြီး သုံးငွေအနေနဲ့ ကျပ်သန်းပေါင်း ၈၉၀၄၃ ဒသမ  ၂ သန်းရှိခဲ့တာကြောင့် ကျပ်သန်းပေါင်း ၄၅၈၇၃ ဒသမ ၆ သန်းကျော် လိုငွေပြခဲ့ပါတယ်။  ငွေလုံးငွေရင်းအသုံးစရိတ်အနေနဲ့ ရငွေမရှိခဲ့ဘဲ သုံးငွေကျပ်သန်းပေါင်း ၁၆၄၀၄၀ ဒသမ ၅ သန်းကျော်ရှိခဲ့ပါတယ်။ စုစုပေါင်း သာမန်နဲ့ ငွေလုံးငွေရင်းအသုံးစရိတ်ရငွေအနေနဲ့ ကျပ်သန်းပေါင်း ၄၃၁၆၉ ဒသမ ၅ သန်းကျော်သာရှိခဲ့ပြီး သုံးငွေမှာတော့ ကျပ်သန်းပေါင်း ၂၅၃၀၈၃ ဒသမ  ၇ သန်းရှိခဲ့တဲ့အတွက် လိုငွေ ကျပ်သန်းပေါင်း ၂ သိန်းကျော်ရှိခဲ့တာပါ။  ဘဏ္ဍာရန်ပုံငွေမှာပါဝင်တဲ့ ဌာနအဖွဲ့အစည်းတွေရဲ့ ၂၀၁၉-၂၀၂၀ ဘဏ္ဍာနှစ်ဖြည့်စွက် ခွင့်ပြုငွေ တောင်းခံရာမှာလည်း သာမန်အသုံးစရိတ်အတွက် ငွေကျပ်သန်းပေါင်း ၁၉၂၁ ဒသမ ၉ သန်းကျော်နဲ့ ငွေလုံးငွေရင်းအတွက် ၁၄၄၃၅ ဒသမ ၈ သန်းကျော်စုစုပေါင်း ၁၆၃၅၇ ဒသမ ၈ သန်းကျော်ရှိခဲ့ပါတယ်။ အဲဒီအတွက် မူလခွင့်ပြုငွေနဲ့ မလုံလောက်တာကြောင့်ဆိုပြီး ထပ်မံလိုအပ်တဲ့ ဖြည့်စွက်ခွင့်ပြုငွေကို တောင်းခံခဲ့တာလို့ ဝန်ကြီးက ပြောပါတယ်။  နောက်ဆုံးပြင်ဆင်ထားတဲ့ စာရင်းချုပ်အရ သာမန်ရငွေအနေနဲ့ ကျပ်သန်းပေါင်း ၄၉၃၄၇ ဒသမ ၃ သန်းကျော်၊ ငွေလုံးငွေရင်းရငွေ ၁၈၀ သန်းကျော် စုစုပေါင်းရငွေ ၄၉၅၂၇ ဒသမ ၄ သန်းကျော်ရှိပြီး သုံးငွေအနေနဲ့ သာမန်အသုံးစရိတ် ၉၀၉၆၅ ဒသမ ၁ သန်းကျော်နဲ့ ငွေလုံးငွေရင်း ၁၇၈၄၇၆ ဒသမ ၄ သန်းကျော် စုစုပေါင်း ၂၆၉၄၄၁ ဒသမ ၆ သန်းကျော်ရှိပါတယ်။  ရငွေပေါင်းအနေနဲ့ ၄၉၅၂၇  ဒသမ ၄ သန်းကျော်ရှိပြီး သုံးငွေအနေနဲ့ ၂၆၉၄၄၁ ဒသမ ၆ သန်းကျော်ရှိတဲ့ အတွက် လိုငွေ ကျပ်သန်းပေါင်း ၂၁၉၉၁၄ ဒသမ ၁ သန်းကျော်ရှိနေပါတယ်။ အဲဒီလိုငွေကိုတော့ ပြည်ထောင်စုကနေ ပြန်လည်ထောက်ပံ့ပေးတာဖြစ်ပါတယ်။ ၂၀၁၉-၂၀၂၀ ဘဏ္ဍာနှစ်အတွင်း စစ်ကိုင်းတိုင်းဒေသကြီးမှာ ဒေသန္တရစီမံကိန်းအနေနဲ့ လယ်ယာနဲ့ သားငါးကဏ္ဍ ဖွံ့ဖြိုးတိုးတက်အောင် ဆောင်ရွက်ပြီး လူမှုစီးပွားမြင့်မားစေရေး၊ MSME လုပ်ငန်းတွေအားပေးမြှင့်တင်ရေး၊ လျှပ်စစ်နှင့် လမ်းပန်းဆက်သွယ်ရေးကဏ္ဍ ဖွံ့ဖြိုး တိုးတက်စေရေး၊ ခရီးသွားလုပ်ငန်းနှင့် လူ့စွမ်းအားအရင်းအမြစ် ဖွံ့ဖြိုးတိုးတက်စေရေး စတဲ့ မူဝါဒတွေ ချမှတ်ထားပါတယ်။

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024