ရုပ်ရှင်ဝါသနာအိုးတို့အတွက် ဘယ်ရုံမှာ ဘာကားတွေပြနေသလဲ(ရုပ်သံ)

အပတ်စဉ် ပုံမှန်တင်ဆက်နေကျဖြစ်တဲ့ Movie Crazy အစီအစဉ်ကနေ မြန်မာနိုင်ငံနဲ့ နိုင်ငံတကာမှာ ရုံတင်ပြသတော့မယ့်၊ ရုံတင်ပြသနေဆဲဖြစ်တဲ့ ကောင်းနိုးရာရာ ရုပ်ရှင်ဇာတ်ကားတွေ အကြောင်းကို ရွေးချယ်ဖော်ပြပေးလိုက်ပါတယ်။ မူဗီခရေဇီတွေကို ပထမဆုံးမိတ်ဆက်ပြောပြပေးချင်တဲ့ ရုပ်ရှင်ကတော့ အမေရိ ကန် နာမည်ကြီးစာရေးဆရာ ဂျက်လန်ဒန်ဝတ္ထုကို ရိုက်ကူးထားတဲ့ ဟောလိဝုဒ်ရုပ်ရှင်- The Call of the Wild ! Adventure Family Drama အမျိုးအစားရုပ်ရှင်ကားတကားဖြစ်တဲ့ ဒီကားကို တော့ 3 Arts Entertainment က ထုတ်လုပ်ပြီး 20th Century Studios က ဖြန့်ချိ ပေးသွားမှာ ဖြစ်ပါတယ်။ ဒီကားကိုတော့ How to Train Your Dragon ရုပ်ရှင်နဲ့ နာ မည်ကြီးတဲ့ အမေရိကန်ရုပ်ရှင်ဒါရိုက်တာ Chris Sanders က ရိုက်ကူးပုံဖော်ပေးထား တာ ဖြစ်ပါတယ်။ The Call of the Wild ဝတ္ထုဟာ ဂျက်လန်ဒန်ရဲ့ ၁၉၀၃ ခုနှစ်က ထွက်ရှိခဲ့တဲ့ ဝတ္ထုတိုတပုဒ်ဖြစ်ပါတယ်။ ဒီဝတ္ထုကို ၁၉၃၅ ခုနှစ်ကလည်း ရုပ်ရှင်အနေနဲ့ ရိုက်ကူးခဲ့ဖူး တာမို့ ဒါက နောက်တကြိမ်ခေတ်မီအပြင်အဆင်တွေနဲ့ ရိုက်ကူးထားတာကို ပရိသတ်တွေ က ရှုစားကြရမှာ ဖြစ်ပါတယ်။ ဒီကားထဲမှာတော့ Buck အမည်ရတဲ့ ခွေးကလေးဟာ Santa Clara မြို့လေးကနေ ခိုးယူခံလိုက်ရပြီး ကုန်စည်ပို့ဆောင်ရေးလုပ်ငန်းတခုဆီ ရောင်းစားခံခဲ့ရပါတယ်။ အဲဒီနောက်မှာတော့ သူလွတ်မြောက်အောင် ဘယ်လိုကြိုးစားမ လဲ၊ သူ့အပေါ်သံယောဇဉ်ရှိတဲ့ John ဆိုတဲ့ အမျိုးသားတယောက်နဲ့ တွေ့ဆုံမိပြီး နှင်း တောထဲ စွပ်ဖားဆွဲရတဲ့ ဦးဆောင်နိုင်တဲ့ ပါးနပ်လိမ္မာတဲ့ ခွေးတကောင်ဖြစ်လာခဲ့တာတွေ၊ သူတို့ ၂ ယောက်ရဲ့ စွန့်စားခန်းတွေကို ဒီကားထဲမှာ ပရိသတ်တွေက ရှုစားကြရမှာ ဖြစ်ပါ တယ်။ ဒီကားထဲမှာတော့ ဟောလိဝုဒ်နာမည်ကြီး သရုပ်ဆောင်မင်းသားကြီး Harrison Ford က John အဖြစ် အထူးပါဝင်ထားခဲ့ပြီး သူနဲ့အတူ တခြားသရုပ်ဆောင်တွေ ဖြစ်ကြ တဲ့ Dan Stevens ၊ Omar Sy ၊ Karen Gillan စတဲ့ သရုပ်ဆောင်တွေလည်း အများ ကြီး ပါဝင်ထားကြပါတယ်။   ဒီကားထဲမှာ ပါဝင်တဲ့ တချို့ဇာတ်ဝင်ခန်းမြင်ကွင်းတွေ၊ ပြကွင်းပြကွက်တွေနဲ့ ပြော စကား Dialog တွေက ကလေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့် မယ်ဆိုရင်တော့ မိဘအုပ်ထိန်းသူခွင့်ပြုချက် Guideline နဲ့မှ ကြည့်ရှုသင့်တဲ့ PG အ ဆင့် သတ်မှတ်ထားပါတယ်။ ဘတ်ဂျတ် အမေရိကန်ဒေါ်လာ ၁၀၉ သန်းအကုန်အကျခံရိုက်ကူးထားတဲ့ ဒီရုပ်ရှင် ကားကို အမေရိကန်နဲ့ ကနေဒါမှာတော့ ရုံတင်ပြသမယ့် ပထမသီတင်းပတ်မှာတင် ဝင်ငွေ အမေရိကန်ဒေါ်လာ ၁၅ သန်းနဲ့ သန်း ၂၀ ကြား ပြန်လည်ရရှိနိုင်မယ်လို့ ခန့်မှန်းထားပါ တယ်။ ကြာမြင့်ချိန် မိနစ် ၁၀၀ ရှိတဲ့ ဒီရုပ်ရှင်ကိုတော့ လာမယ့် ဖေဖော်ဝါရီလ ၂၁ ရက်နေ့ မှာ စတင်ပြီးတော့ ရုံတင်ပြသတော့မှာ ဖြစ်ပါတယ်။ နောက်ထပ် မိတ်ဆက်ပြောပြပေးချင်တဲ့ ရုပ်ရှင်ကတော့ Supernatural Horror အမျိုးအစား ဟောလိဝုဒ်ရုပ်ရှင်ကားတကားဖြစ်တဲ့ Brahms : The Boy II ! ဒီကားကိုတော့ Lakeshore Entertainment နဲ့ STXfilms တို့ ပူးပေါင်းတင် ဆက်လိုက်တာဖြစ်ပြီး အမေရိကန်ရုပ်ရှင် ဒါရိုက်တာ William Brent Bell က ရိုက်ကူး ပုံဖော်ပေးထားတာ ဖြစ်ပါတယ်။ ဒီရုပ်ရှင်ကတော့ အားလုံးသိကြပြီးဖြစ်တဲ့ လွန်ခဲ့တဲ့ ၂၀၁၆ ခုနှစ်မှာ ထွက်ရှိခဲ့တဲ့ The Boy ရုပ်ရှင်ရဲ့ Stand-alone sequel ရုပ်ရှင်အနေနဲ့ ထွက်ရှိလာခဲ့တာပါ။ Jude ဆိုတဲ့ ကောင်လေးဟာ စိတ်ကျန်းမာရေးအခြေအနေတခုကြောင့် ဆရာဝန် ညွှန်ကြားချက်အတိုင်း တိတ်ဆိတ်တဲ့ ဒေသတခုဆီ မိခင် Liza ၊ ဖခင် Sean တို့နဲ့ မိသား စုပြောင်းရွှေ့နေထိုင်ခဲ့ရပါတယ်။ သူတို့ပြောင်းလာတဲ့ နေရာဟာ ထူးဆန်းတဲ့ Heelshire စံအိမ်နားကို ဖြစ်ပါတယ်။ တနေ့မှာတော့ ကောင်လေး Jude တယောက် တကယ့် က လေးတယောက်အရွယ်အစားရှိတဲ့  Brahms အမည်ရတဲ့ အရုပ်တရုပ်ကို Heelshire စံ အိမ်နားက ကောက်ရခဲ့ပြီး ဆော့ကစားရင်းကနေ ထင်မှတ်မထားတဲ့ ခြောက်လှန့်မှုတွေ၊ သွေးပျက်စရာအခြေအနေတွေနဲ့ ကြုံတွေ့လာရပါတော့တယ်။ ဒီအဖြစ်အပျက်၊ အခြေအ နေတွေရဲ့ နောက်ကွယ်မှာ ဘာတွေ ရှိနေသလဲ၊ နောက်ပြီး Brahms အရုပ်နဲ့ Jude တို့ ၂ ယောက်ကြားက ဆက်ဆံရေးတွေကရော ဘယ်လိုရှိနေမလဲဆိုတာကိုတော့ ဒီကားထဲ မှာ ရှုစားကြရမှာပါ။ ဒီကားထဲမှာတော့ ဟောလိဝုဒ်သရုပ်ဆောင်မင်းသားမင်းသမီးတွေ ဖြစ်ကြတဲ့ Katie Holmes ၊ Ralph Ineson ၊ Owain Yeoman တို့နဲ့အတူ ကလေးသရုပ်ဆောင် Christopher Convery ကလည်း အထူးပါဝင်ထားတာ ဖြစ်ပါတယ်။ လတ်တလောမှာတော့ ဒီရုပ်ရှင်ကား Trailer ကို Youtube ပေါ်မှာ ဝင်ရောက် ကြည့်ရှုကြတဲ့ အကြိမ်ရေ သန်းနဲ့ချီ ရှိနေခဲ့တာ ဖြစ်ပါတယ်။ ဒီကားထဲမှာ ပါဝင်တဲ့ သွေးပျက်ထိတ်လန့်စရာကောင်းတဲ့ ဇာတ်ဝင်ခန်းမြင်ကွင်း တွေ၊ ပြကွင်းပြကွက်တွေနဲ့ ပြောစကား Dialog တွေက အသက် ၁၃ နှစ်အောက် က လေးငယ်တွေ ကြည့်ရှုဖို့ မသင့်တော်တာမို့ ဒီကားကို ကြည့်မယ်ဆိုရင်တော့ မိဘအုပ် ထိန်းသူခွင့်ပြုချက် Guideline နဲ့မှ ကြည့်ရှုသင့်တဲ့ PG-13 အဆင့် သတ်မှတ်ထား ပါတယ်။ ဒီရုပ်ရှင်ကိုတော့ လာမယ့် ဖေဖော်ဝါရီလ ၂၁ ရက်နေ့မှာ ရုံတင်ပြသသွားမှာ ဖြစ် တယ်လို့ ကြေငြာထားပါတယ်။ နောက်ထပ် မိတ်ဆက်ပြောပြပေးချင်တဲ့ ရုပ်ရှင်ကတော့ ကိုရီးယားရုပ်ရှင်ပရိသတ် တွေ အကြိုက်တွေ့ကြမယ့် The Closet ! Horror, Mystery အမျိုးအစား ရုပ်ရှင်ကားတကားဖြစ်တဲ့ ဒီကားကိုတော့ CJ Entertainment က ဖြန့်ချိပေးသွားမှာဖြစ်ပြီး ဒါရိုက်တာ Kim Kwang-bin က ရိုက် ကူးပုံဖော်ပေးထားတာ ဖြစ်ပါတယ်။  Sang Won ဟာ Architect တယောက်ဖြစ်ပါတယ်။ သူ့ရဲ့ ဇနီးဖြစ်သူဟာ မ တော်တဆမှုတခုကြောင့် ဆုံးပါးသွားခဲ့ပြီးနောက်မှာတော့ သမီးဖြစ်တဲ့ Yi Na နဲ့အတူ ကျန်ရစ်ခဲ့ပြီး သူတို့သားအဖ ၂ ယောက်ရဲ့ ဆက်ဆံရေးက အေးစက်စက် ဖြစ်လာခဲ့ ပါတယ်။ အဲဒီလို အခြေအနေကနေ အရင်လို ဆက်ဆံရေးမျိုး ပြန်ပြီးတည်ဆောက်ဖို့ အိမ် သစ်တလုံးဆီ ပြောင်းရွှေ့ခဲ့ပြီး သိပ်မကြာခင်မှာတော့ သမီးဖြစ်သူက သူ့မှာ သူငယ်ချင်း အသစ် ရနေပြီလို့ ပြောခဲ့ပါတယ်။ Yi Na ရဲ့ အဝတ်ဗီရိုဆီကလည်း ထူးဆန်းတဲ့ အသံတွေ ကြားနေရပြီး သူ့ရဲ့ အပြုအမူတွေကလည်း ပုံမှန်မဟုတ်ပဲ ပြောင်းလဲနေခဲ့ပါတယ်။ Sang Won က လည်း ထူးဆန်းတဲ့ အိပ်မက်တွေ မက်လာပြီး တနေ့မှာတော့ သမီးဖြစ်သူဟာ ရုတ်တရက် ပျောက်ချင်းမလှ ပျောက်သွားခဲ့ချိန်မှာ ဘာတွေဆက်ဖြစ်လာမလဲ၊ ဒါဟာ ဘာကြောင့်ဖြစ်ရတာလဲ။ ပျောက်ဆုံးနေတဲ့ Yi Na က ဘယ်ရောက်သွားခဲ့တာလဲ။ တမ လွန်နဲ့ လက်ရှိကာလ ခြားနားချက်တွေထဲက အခြေအနေတွေနဲ့အတူ ရင်တထိတ်ထိတ်နဲ့ ရှုစားကြရမှာ ဖြစ်ပါတယ်။ ဒီကားထဲမှာတော့ နာမည်ကြီး ကိုရီးယားသရုပ်ဆောင်မင်းသားမင်းသမီးတွေ ဖြစ် ကြတဲ့ Ha Jung-Woo ၊ Kim Nam-Gil ၊ Heo Yool တို့ကခ ခေါင်းဆောင်ပါဝင်ထား ကြတာ ဖြစ်ပါတယ်။ လျှို့ဝှက်သည်းဖိုဆန်ဆန် ရိုက်ချက်တွေနဲ့ ရှုစားကြရမယ့် ဒီရုပ်ရှင်ကားကိုတော့ ကိုရီးယားနိုင်ငံမှာ ပြီးခဲ့တဲ့ ဖေဖော်ဝါရီလ ၅ ရက်နေ့ကတည်းက ရုံတင်ပြသခဲ့တာဖြစ်ပြီး မြန်မာနိုင်ငံမှာလည်း ရုံတင်ပြသဖို့ ရှိနေတာမို့ ပရိသတ်တွေအတွက် ရွေးချယ်တင်ဆက် ပေးလိုက်ပါတယ်။ မူဗီခရေဇီတွေကို ဒီတခါ မိတ်ဆက်ပြောပြပေးချင်တဲ့ ရုပ်ရှင်ကတော့ နာမည်ကျော် ဗီဒီယိုဂိမ်းကို Live Action ရုပ်ရှင်ကားအနေနဲ့ ရှုစားကြရမယ့် ဟောလိဝုဒ်ရုပ်ရှင်- Sonic The Hedgehog ! နာမည်ကြီးရုပ်ရှင်ကုမ္ပဏီ Paramount Pictures ကနေ တင်ဆက်လိုက်တဲ့ ဒီ ရုပ်ရှင်ကိုတော့ အမေရိကန်ရုပ်ရှင်ဒါရိုက်တာ Jeff Fowler က ရိုက်ကူးပုံဖော်ပေးထား တာ ဖြစ်ပါတယ်။ ဒီကားကတော့ Sega Game Company ရဲ့ နာမည်ကျော် Video Game Franchise တခုဖြစ်တဲ့ Sonic The Hedgehog ကို အခြေခံပြီး ရိုက်ကူးထားခဲ့တာ ဖြစ်ပြီး ငယ်ငယ်က Sonic ဂိမ်းပရိတ်သတ်တွေအတွက် ပြန်အမှတ်ရစေမှာပဲ ဖြစ်ပါ တယ်။ ဒီဇာတ်လမ်းကျောရိုးကတော့ အားလုံးသိကြပြီးတဲ့အတိုင်း တခြားဂြိုလ်တခုကနေ ကမ္ဘာမြေဆီ ရောက်လာခဲ့တဲ့ အပြာရောင်ကောင်လေး Sonic ဟာ ကမ္ဘာမှာ အသားကျ အောင် လုပ်ဆောင်နေရချိန်မှာပဲ အင်အားပြင်းတဲ့ လျှပ်စစ်ပြတ်တောက်မှုကြီး တခုကို မ တော်တဆ ဖြစ်ပေါ်စေခဲ့ပါတယ်။ အဲဒီပါဝါကို အသုံးချပြီး ကမ္ဘာကြီးကို ထိန်းချုပ် အုပ်စိုး ဖို့ကြိုးစားမယ့် Dr. Robotnik က Sonic ကို လိုက်လံဖမ်းနေတဲ့အတွက် ထွက်ပြေး ရှောင်ပုန်းနေရင်း Sonic ဟာ သူ့မိတ်ဆွေအသစ် Tom Wachowski ရဲ့ အကူအညီနဲ့ ပြန်တိုက်ခိုက်ရင်း လွတ်မြောက်အောင် လုပ်ဆောင်ကြမယ့်အခြေအနေတွေနဲ့အတူ ဘယ် လို ရိုက်ကူးပုံဖော်ထားမလဲဆိုတာတွေကို အဲန်နီမေးရှင်း အထူးပြုလုပ်ချက်တွေနဲ့အတူ ဒီ ကားထဲမှာ ရှုစားကြရမှာပါ။ ဒီကားထဲက အဓိကဇာတ်ကောင် Sonic နေရာမှာတော့ ဟောလိဝုဒ်သရုပ်ဆောင် မင်းသား Ben Schwartz က ပါဝင်ထားပြီး နာမည်ကျော်ဟာသသရုပ်ဆောင်မင်းသား Jim Carrey ကိုတော့ ဗီလိန်ဇာတ်ကောင် Dr. Robotnik အနေနဲ့ ပရိသတ်တွေက ထူး ထူးခြားခြား မြင်တွေ့ကြရမှာပါ။ ဒီကားထဲမှာ ပါဝင်တဲ့ တချို့ဇာတ်ဝင်ခန်းမြင်ကွင်းတွေ၊ ပြကွင်းပြကွက်တွေ၊ ပြော စကား Dialog တွေက အသက် ၁၃ နှစ်အောက် ကလေးငယ်တွေ ကြည့်ရှုဖို့ မသင့်တော် တာမို့ ဒီကားကိုကြည့်မယ်ဆိုရင်တော့ မိဘအုပ်ထိန်းသူခွင့်ပြုချက် Guideline နဲ့မှ ကြည့်ရှုသင့်တဲ့ PG-13 အဆင့် သတ်မှတ်ထားပါတယ်။ IMDb မှာတော့ ဒီရုပ်ရှင်ကားဟာ Rating 7.9 အထိ ရရှိထားတဲ့ ဇာတ်ကား တကား ဖြစ်ပါတယ်။ ဒီကားကိုတော့ ဘတ်ဂျတ်အမေရိကန်ဒေါ်လာ ၈၅ သန်းနဲ့ ၉၅ သန်းကြား အကုန် အကျခံ ရိုက်ကူးထားတာဖြစ်ပြီး Box Office မှာတော့ အမေရိကန်နဲ့ ကနေဒါမှာ ရုံတင် ပြသမယ့် ပထမသီတင်းပတ်မှာတင် ဝင်ငွေ အမေရိကန်ဒေါ်လာ ၄၁ သန်းနဲ့ ၄၇ သန်း ကြား ရရှိနိုင်မယ်လို့ ခန့်မှန်းထားကြပါတယ်။ ဒီရုပ်ရှင် Trailer ဟာ လတ်တလောမှာတော့ ယူကျုဘ်ပေါ်မှာတော့ ဝင်ရောက် ကြည့်ရှုကြတဲ့ အကြိမ်ရေသန်း ၃၀ ကျော် ရှိနေခဲ့တာ ဖြစ်ပါတယ်။  ကြာမြင့်ချိန် ၉၉ မိနစ်ရှိတဲ့ ဒီကားကိုတော့ နိုင်ငံတကာမှာ ပြီးခဲ့တဲ့ ဖေဖော်ဝါရီလ ၁၄ ရက်နေ့ကတည်းက ရုံတင်ပြသနေပြီး မြန်မာနိုင်ငံမှာလည်း ရုံတင်ပြသနေတာမို့ ပရိ သတ်တွေအတွက် ရွေးချယ်တင်ဆက်ပေးလိုက်ပါတယ်။  မူဗီခရေဇီတွေကို နောက်ဆုံးမိတ်ဆက်ပြောပြပေးချင်တဲ့ ရုပ်ရှင်ကတော့ မြန်မာ အ ချစ်ဒရာမာ ရုပ်ရှင်ကားတကားဖြစ်တဲ့ နှင်းဆီရဲတိုက် ! ဒီကားကတော့ အင်ကြင်းဟန်ရဲ့ ဇာတ်လမ်းကို နေခြည်အောင်သစ်က ဇာတ်ညွှန်း ခွဲထားပေးပြီး ဒါရိုက်တာ နေပိုင်က ရိုက်ကူးပုံဖော်ပေးထားတာပါ။ ဒီကားကိုတော့ လပ် ကီးဆဲဗင်းရုပ်ရှင်ထုတ်လုပ်ရေးက တင်ဆက်လိုက်တာ ဖြစ်ပါတယ်။ ၃ ပွင့်ဆိုင် အချစ်ဒရာမာဇာတ်လမ်းတပုဒ်အနေနဲ့ ရိုက်ကူးပုံဖော်ထားတဲ့ ဒီရုပ်ရှင် ကားထဲမှာ အချစ်၊ အလွမ်း၊ ဒရာမာဇာတ်လမ်းဇာတ်ကွက်တွေ၊ အားပြိုင်မှုတွေနဲ့ ဘယ်လို ရိုက်ကူးပုံဖော်ထားမလဲဆိုတာကိုတော့ ပရိသတ်တွေက မကြာခင်မှာပဲ ရှုစားကြရတော့ မှာ ဖြစ်ပါတယ်။ ဒီကားထဲမှာ လူငယ်သရုပ်ဆောင်မင်းသားမင်းသမီးတွေ ဖြစ်ကြတဲ့ အောင်ရဲလင်း၊ ကောင်းပြည့်၊ ရွှေမှုန်ရတီတို့နဲ့အတူ ဝါရင့်သရုပ်ဆောင် မင်းသားမင်းသမီးတွေ ဖြစ်ကြတဲ့ ရဲအောင်၊ မို့မို့မြင့်အောင်တို့နဲ့ တခြားသရုပ်ဆောင်တွေလည်း ပါဝင်ထားကြတာပါ။ လတ်တလောမှာတော့ ဒီရုပ်ရှင်ကား Trailer ကို ဖေ့စ်ဘွတ်ခ်အင်တာနက်လူမှု ကွန်ရက်စာမျက်နှာပေါ်မှာ ဝင်ရောက်ကြည့်ရှုကြတဲ့ အကြိမ်ရေ ၅ သန်းကျော် ရှိနေခဲ့ပြီ ဖြစ်ပါတယ်။ ဒီကားကိုတော့ လာမယ့် ဖေဖော်ဝါရီလ ၂၀ ရက်နေ့မှာ ရုံတင်ပြသသွားမယ်လို့ ကြေငြာထားပါတယ်။ Movie Crazy-DVB အစီအစဉ်ကို အပတ်စဉ် ဗုဒ္ဓဟူးနေ့ ညတိုင်း ၇.၄၅ နာရီ၊ ၉.၁၅ နာရီတွေမှာ DVB TV channel ကနေ ပုံမှန်တင်ဆက်ပေးနေတာဖြစ်ပြီး မ ကြည့်ရှုလိုက်ရသူတွေအတွက် ကြာသပတေးနေ့မနက် ၉.၁၅ နာရီ၊ နေ့လည် ၁၂.၄၅ နာရီ၊ ၃.၁၅ နာရီ၊ သောကြာနေ့ နေ့လည် ၂.၄၅ နာရီ၊ စနေနေ့ မနက် ၁၁.၄၅ နာရီနဲ့ တ နင်္လာနေ့မနက် ၉.၄၅ နာရီတို့မှာ ပြန်လည် ထုတ်လွှင့်ပြသပေးနေတာ ဖြစ်ပါတယ်။ ဒီအစီအစဉ်မှာ Movie Crazy တွေအတွက် နိုင်ငံတကာနဲ့ မြန်မာရုပ်ရှင်ကား တွေ အကြောင်းကို ကောင်းနိုးရာရာ ရွေးချယ်တင်ဆက်ပေးနေတာဖြစ်ပြီး Movie Crazy-DVB ဆိုတဲ့ Facebook စာမျက်နှာကနေတဆင့်လည်း Like, Share နဲ့ Comment တွေပေးပြီး တော့ အားပေးနိုင်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up