အီရတ် အစိုးရဆန့်ကျင်ရေး ဆန္ဒပြပွဲကို ကျည်အစစ်နှင့်မျက်ရည်ယိုဓာတ်ငွေ့သုံး ဖြိုခွဲ

အီရတ်နိုင်ငံမှာ ဆက်ဖြစ်နေတဲ့ အစိုးရဆန့်ကျင်ရေး ဆန္ဒပြပွဲအတွင်း ဇန်နဝါရီလ ၃၁ ရက်က လုံခြုံရေးတပ်ဖွဲ့ဝင်တွေဟာ ကျည်အစစ်နဲ့ မျက်ရည်ယိုဓာတ်ငွေ့သုံးပြီး ဆန္ဒပြသူတွေကို ဖြိုခွင်းခဲ့ပါတယ်။ ဒီထိပ်တိုက်တွေ့မှုဟာ မြို့တော်ဘဂ္ဂဒက်ရဲ့ ခီလာနီခရိုင်မှာ ဖြစ်ခဲ့တာပါ။ ခီလာနီခရိုင်ဟာ ဆန္ဒပြသူ ထောင်ချီစခန်းချ နေထိုင်တဲ့ တဟီရန်ရင်ပြင်အနီးမှာ တည်ရှိပါတယ်။ ဒီဆန္ဒပြပွဲမှာ လူနှစ်ယောက်ထက်မနည်း ဒဏ်ရာရခဲ့ပါတယ်။ ဒဏ်ရာရဆန္ဒပြသူတွေကို အနီးဝန်းကျင် ဆေးရုံတွေဆီ ပို့တဲ့ သုံးဘီးယာဉ် တစီးထက်မနည်းကိုလည်း  လုံခြုံရေးတပ်ဖွဲ့ဝင်တွေက မီးရှို့ခဲ့ပါတယ်။ ဆန္ဒပြသူတွေက ရွေးကောက်ပွဲ ဥပဒေသစ်နဲ့ ကော်မတီသစ်ကို တောင်းဆိုတာတင် မဟုတ်ဘဲ အုပ်ချုပ်ရေးအဖွဲ့တခုလုံးကို အစားထိုးဖို့ တောင်းဆိုနေတာပါ။ ဒါ့အပြင် ပါတီနဲ့ ဆက်နွှယ်မှုမရှိတဲ့ ဝန်ကြီးချုပ်သစ် ခန့်အပ်မှုကို ဖယ်ရှားပေးဖို့လည်း သူတို့က တောင်းဆိုကြပါတယ်။ အောက်တိုဘာ ၁ ရက်နေ့က စခဲ့တဲ့ အီရတ် ဆန္ဒပြပွဲတွေကြောင့် နိုင်ငံတဝန်း သေဆုံးသူ ၄၅၀ လောက်ရှိသွားပြီလို့ ရိုက်တာသတင်းအရ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up