တိုက်စစ်မှူးအဂွဲရိုးနေရာ အစားထိုးရန် ခက်ခဲဟု မန်စီးတီးနည်းပြပြော

တိုက်စစ်မှူးအဂွဲရိုး နေရာကို အစားထိုးနိုင်မယ့် ကစားသမားရှာဖွေဖို့က အခက်အခဲဆုံးအလုပ် ဖြစ်တယ်လို့ မန်စီးတီး နည်းပြ ဂွါဒီယိုလာကပြောပါတယ်။ 

အသက် ၃၁ နှစ်ရှိလာပြီဖြစ်တဲ့ အဂွဲရိုးဟာ မန်စီးတီးအသင်းသမိုင်းတလျှောက် ဂိုးအများဆုံး သွင်းယူထားသူဖြစ်ပြီး ပရီးမီးယားလိဂ်ရဲ့    ဂန္ထဝင် တိုက်စစ်မှူးတဦးလည်းဖြစ်လာခဲ့တာပါ။ 

အသင်းအတွက် စုစုပေါင်း ၂၅၂ ဂိုးအထိ သွင်းယူထားတဲ့ အဂွဲရိုးအနေနဲ့ အသင်းကနေ ထွက်ခွာတဲ့ အချိန်ရောက်လာခဲ့ရင်တော့ သူ့နေရာမှာ အစားထိုးနိုင်မယ့် ကစားသမားရဖို့ ခက်ခဲကြောင်း ဂွါဒီယိုလာက ပြောပါတယ်။

ထိပ်တန်းအသင်းတိုင်းမှာ အဂွဲရိုးလို တိုက်စစ်မှူးရှိဖို့လိုအပ်ပြီး ကြံ့ခိုင်မူသာပြည့်ဝနေရင် အရာအားလုံးစွမ်းဆောင်နိုင်တယ်လို့ ဂွါဒီယိုလာက ဆိုပါတယ်။ 

ဂွါဒီယိုလာဟာ လာမယ့် ၂၀၂၀-၂၀၂၁ ဘောလုံးရာသီမှာ အသင်းနဲ့ စာချုပ်သက်တမ်းကုန်ဆုံးမှာဖြစ်ပြီး ဒေးဗစ်ဘမ်းခမ်းပိုင်ဆိုင်တဲ့ မေဂျာလိဂ်ကလပ် မီယာမီ အသင်းဆီ ပြောင်းရွှေ့ဖို့ရှိနေတာဖြစ်ပါတယ်။