Home
မြန်မာသတင်း
မာန်အောင်ခရီးသွားဇုန်ကို ၂၀၂၀ ပြည့်နှစ် အောက်တိုဘာတွင် ဖွင့်လှစ်မည်
DVB
·
January 11, 2020
ရခိုင်ပြည်နယ် ၁၇ မြို့နယ်ထဲက မာန်အောင်ကျွန်းသဘာဝကမ်းခြေမှာ ဟိုတယ်ဇုန်နဲ့ ခရီးသွားလုပ်ငန်း အပိုင်း ၁ ကို ၂၀၂၀ ပြည့် နှစ်ကုန်ပိုင်းလောက် ဖွင့်လှစ်သွားမယ်လို့ သိရပါတယ်။ မာန်အောင်အများပိုင်ကုပ္ပဏီ ဥက္ကဋ္ဌ ဦးထွန်းလှိုင်က "ကျနော်တို့ ဒီအပိုင်း ၁ ဖြစ်တဲ့ သဘာဝကမ်းခြေ ဟိုတယ်ဇုန်နဲ့ ခရီးသွားလုပ်ငန်းကို ဒီ ၂၀၂၀ အောက်တိုဘာလလောက်မှာ စတင် ဖွင့်လှစ်နိုင်ဖို့ လုပ်ဆောင်ထားပါတယ်။ ဟိုတယ် ၁၂ လုံးကိုတော့ အခုလက်ရှိတည်ဆောက်နေတာ ၅၀ ရာခိုင်နှုန်းလောက်တော့ ပြီးစီးနေပါပြီ" လို့ပြောပါတယ်။ ရခိုင်ပြည်နယ် မာန်အောင်ဒေသမှာ မာန်အောင်အများပိုင်ကုမ္ပဏီ (MPC) က အကောင်အထည်ဖော်ဆောင်ရွက်သွားမယ့် Master Plan ၁၀ ခုထဲမှာ လေဆိပ်အဆင့်မြှင့်တင်ရေး၊ ဆိပ်ကမ်းအဆင့်မြှင့်တင်ရေး၊ လမ်းတံတားအဆင့်မြှင့်တင်ရေး၊ လျှပ်စစ်စွမ်းအင်ရရှိရေး၊ သောက်သုံးရေရရှိရေး၊ ရေဆိုးသန့်စင်စနစ်ဆောင်ရွက်ရေး၊ အမှိုက်စီမံခန့်ခွဲရေး၊ မြို့ပြဖွံ့ဖြိုးမှုဆိုင်ရာစီမံကိန်းနှင့်အညီ ဖွံ့ဖြိုးရေးဆိုင်ရာဇုန်များ အကောင် အထည်ဖော်ရေး၊ မွေးမြူရေး၊ ပတ်ဝန်းကျင်နဲ့ကိုက်ညီတဲ့ ဟိုတယ်နှင့် ခရီးသွားလုပ်ငန်း အကောင်အထည်ဖော်ဆောင်ရေးတို့ ပါဝင်မှာဖြစ်ပါတယ်။ မာန်အောင်ဒေသခံ ကိုအောင်မြင့်သူက "အခု မာန်အောင်မှာ ခရီးသွားလုပ်ငန်းတွေ စတင်အကောင်အထည်ဖော် လုပ်ဆောင်နေပြီဆိုတော့ ဒီဒေသမှာက ခရီးသွားလုပ်ငန်းနဲ့ပဲ တသက်လုံး ရှေ့ဆက်သွားတော့မှာလေ။ အရေးကြီးဆုံးက ရိုးရာတွေကို ထိန်းသိမ်းတတ်ဖို့အတွက် သင်တန်းတွေကိုလည်း လုပ်ဆောင်ပေးဖို့လိုတယ်” လို့ ဒီဗွီဘီကိုပြောပါတယ်။ အဲဒီဟိုတယ်ဇုန်ကို မာန်အောင်မြို့နယ်ထဲက ကအီးအုပ်စု၊ ကအီးကျေးရွာ ကမ်းခြေမှာ တည်ဆောက်နေတာဖြစ်ပြီး ဒေသခံအများစုကတော့ အလုပ်အကိုင် အခွင့်အလမ်း ရရှိဖို့ မျှော်လင့်နေကြတယ်လို့ သိရပါတယ်။ သားချစ်ဇော်
Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024