၅ နှစ်အရွယ် ကလေးငယ်အား ညှဉ်းပန်းရိုက်နှက်သည့် ဖခင်နှင့် မိထွေးတို့ကို ရွှေကျင်ရဲစခန်း အရေးယူ

ပဲခူးတိုင်းဒေသကြီး၊ ရွှေကျင်မြို့နယ်မှာ ဖခင်အရင်းနဲ့ မိထွေးဖြစ်သူတို့က ၅ နှစ်အရွယ် သားငယ်လေးကို  ရိုက်နှက် ညှဉ်းပန်းနှိပ်စက်ခဲ့တာကြောင့် ကလေးသူငယ်အခွင့်အ​ရေးဆိုင်ရာ ဥပဒေနဲ့ ဒီဇင်ဘာ ၂၉ ရက်က အမှုဖွင့်ထားတယ်လို့ မြို့မစခန်းက သိရပါတယ်။ ရွှေကျင်မြို့နယ်၊ အထက်မင်းဇောင်းကျေး​ရွာနေ မောင်သန့်ဇင်အောင် ၅ နှစ်ဟာ နို့ဆီနဲ့ သ​ကြားခိုးစားလို့ဆိုပြီး ဖခင်​ အောင်​အောင်နဲ့ မိထွေးသင်းသင်းခိုင်တို့က တုတ်နဲ့ရော လက်နဲ့ပါ လေးငါးရက်လောက် နေ့စဉ် ရိုက်နှက်ခဲ့တာ ​ဖြစ်ပါတယ်။ ရိုက်နှက်မှုကြောင့်​ မောင်သန့်ဇင်​အောင်ဟာ နဖူး ဖူး​ရောင်ဒဏ်ရာ၊ မျက်လုံးညိုမဲဒဏ်ရာ၊ ပါးမှာ ဖူး​ရောင်ဒဏ်ရာ၊​ နောက်​ကျောဖူးရောင်ဒဏ်ရာတွေ ရရှိခဲ့ပြီး ရွှေကျင်မြို့ ခုတင် ၁၀၀ ဆေးရုံကြီးမှာ အတွင်းလူနာ (စိုးရိမ်ရ) အနေနဲ့ တက်​ရောက်ကုသ​နေရပါတယ်။ ​​​​ရွှေကျင်​မြို့ တိုင်း​ဒေသ​ကြီးလွှတ်​တော် ကိုယ်စားလှယ်​ဒေါ်လှလှဝင်းက​ “ကျမတို့ ကလေးငယ်အတွက် တတ်နိုင်သ​လောက် ကူညီ​ထောက်ပံ့မှု​တွေ ပြုလုပ်ပေးနေပါတယ်။ လက်ရှိမှာ ကလေးဒဏ်ရာအ​ခြေအနေက​ တော်​တော်ဆိုးသွားတယ်။ စိတ်ဒဏ်ရာလည်း ​တော်​တော်ရ​နေတယ်။ မ​သေတာ ကံ​ကောင်းလို့လေ၊ ဒီ​လောက်ထိ မလုပ်သင့်ဘူး”လို့ ပြောပါတယ်၊ အသက် ၅ နှစ်အရွယ်​ လူမမည်ကလေးကို ညှဉ်းပန်းနှိပ်စက်ခဲ့တာနဲ့ ပတ်သက်ပြီး ဖခင်ဖြစ်သူ​ အောင်အောင်နဲ့ မိထွေး သင်းသင်းခိုင်တို့ကို ရွှေကျင်​မြို့မရဲစခန်းက ကလေးသူငယ် အခွင့်အ​ရေးဆိုင်ရာ ဥပ​ဒေပုဒ်မ ၁၀၃(က) နဲ့ အမှုဖွင့် အရေးယူထားပါတယ်။ နေလင်းထိုက်

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up