A d v e r t i s e m e n t With Us

တရုတ်သမ္မတ ရှီကျင့်ဖျင်က ဟောင်ကောင်အုပ်ချုပ်ရေးမှူး ကယ်ရီလမ်ကို တွေ့ဆုံချီးကျူး

တရုတ်သမ္မတ ရှီကျင့်ဖျင်ဟာ ဟောင်ကောင်ခေါင်းဆောင်  ကယ်ရီလမ်နဲ့ မြို့တော် ပေကျင်းမှာ ဒီဇင်ဘာ ၁၆ ရက်က တွေ့ဆုံပြီး အခက်အခဲဆုံးအချိန်မှာ ဟောင်ကောင်ကို အုပ်ချုပ်နိုင်တဲ့ကယ်ရီလမ်ရဲ့သတ္တိကို အသိမှတ်ပြုတယ်လို့ ပြောကြားခဲ့ပါတယ်။ ၂၀၁၉ အတွင်း ဟောင်ကောင် အခြေအနေဟာ အရှုပ်ထွေး အခက်ခဲဆုံး ဖြစ်ပြီး တရုတ်အစိုးရအနေနဲ့  တရားဥပဒေစိုးမိုးရေး လုပ်နေတဲ့ ဟောင်ကောင်ရဲတပ်ဖွဲ့ကို မမှိတ်မသုန် ထောက်ခံတယ်လို့ သမ္မတရှီက ပြောပါတယ်။ ဗြိတိသျှကိုလိုနီဟောင်း ဟောင်ကောင်ရဲ့ အဆိုးရွားဆုံး နိုင်ငံရေးအကျပ်အတည်း  ၇ လမြောက်ကို ရောက်ချိန်မှာပဲ ဟောင်ကောင်ခေါင်းဆောင် လမ်နဲ့ တရုတ်သမ္မတတို့ တွေ့ဆုံခဲ့တာပါ။  ဟောင်ကောင်အရေးနဲ့ပတ်သက်လို့ လမ်နဲ့ ရှီတို့ တွေ့ဆုံဆွေးနွေးပွဲကနေ အစိုးရအဖွဲ့ အပြောင်းအလဲ အပါအဝင် လမ်းညွှန်ချက်သစ်တွေ ပေါ်ထွက်လာနိုင်တယ်လို့  ဟောင်ကောင် မီဒီယာတွေက ခန့်မှန်းထားပါတယ်။ ဟောင်ကောင်ခေါင်းဆောင် ကယ်ရီလမ် နေရာမှာ တခြားအယောက် အစားထိုးနိုင်တယ်လို့  အစောပိုင်းမှာ မီဒီယာတွေက ဖော်ပြခဲ့ပေမယ့် တရုတ်သမ္မတ ရှီကတော့ လမ်ကို ဆက်ထောက်ခံ အားပေးတယ်လို့ ပြောကြားခဲ့ပါတယ်။   ဓာတ်ပုံ- Xinhua

A d v e r t i s e m e n t With Us

More News
Up