သဘာဝပတ်ဝန်းကျင်ထိန်းသိမ်းရေးတွင် မြန်မာစီးပွားရေးသမားများ ပူးပေါင်းပါဝင်မှုအားနည်းနေ
သူဇာလင်း
·
December 13, 2019
သဘာဝပတ်ဝန်းကျင်ထိန်းသိမ်းရေးလုပ်ငန်းတွေမှာ စီးပွားရေးလုပ်ငန်းရှင်တွေ ပူးပေါင်းပါဝင်စေဖို့အတွက် Earth Hour Challenge ကို WWF Myanmar အဖွဲ့က ဦးဆောင်ကျင်းပဖို့ စီစဉ်နေပါတယ်။
လက်ရှိမှာတော့ မြန်မာနိုင်ငံမှာရှိတဲ့ စီးပွားရေးလုပ်ငန်းရှင်တွေက သဘာဝပတ်ဝန်းကျင် ထိန်းသိမ်းရေးလုပ်ငန်းတွေမှာ ပူးပေါင်းလုပ်ဆောင်မှုအားနေတာကြောင့် အခုလို Earth Hour Challeng ကို ကျင်းပမှာဖြစ်တယ်လို့ WWF Myanmar ရဲ့ ဒါရိုက်တာက ပြောပါတယ်။
ကမ္ဘာမှာ သဘာဝပတ်ဝန်းကျင်းထိန်းသိမ်းရေးလုပ်ငန်းတွေကို လုပ်ဆောင်နေတဲ့ အဖွဲ့အစည်းတွေရဲ့ အစီရင်ခံစာအရ အချိန် ၂ စက္ကန့်အတွင်းမှာ ကမ္ဘာတဝန်းရှိ သစ်တောတွေက ဘောလုံးကွင်း တကွင်းစာနှုန်းနဲ့ ပျက်စီးနေတာတွေ့ရှိရတယ်လို့ လည်းဆိုပါတယ်။
ဒါ့အပြင် သဘာဝပတ်ဝန်းကျင်ထိန်းသိမ်းရေးလုပ်ငန်းတွေကို ပြည်သူတွေ ဂရုပြုစေဖို့ နှစ်စဉ်ကျင်းပနေတဲ့ မတ်လ ၂၈ ရက်နေ့ကတော့ Earth Hour နေ့ ကို ကြိုဆို ဂုဏ်ပြုတဲ့အနေနဲ့ Earth hour Challenge ကို ကျင်းပတာ ဖြစ်ပါတယ်။
Earth Hour နေ့ကိုတော့ ကမ္ဘာတဝန်း နိုင်ငံပေါင်း ၁၈၀ ကျော်မှာ နှစ်စဉ်ကျင်းပလေ့ရှိကြပါတယ်။