ဒုတိယအချီ ၃ မိနစ်လောက်မှာ အောင်လအန်ဆန်းရဲ့ မထင်မှတ်တဲ့ ညာတံတောင်ရိုက်ချက်ဟာ ဗီရာကို မြေပြင်ပေါ် လဲကျအောင် ပြုလုပ်နိုင်ခဲ့ပါတယ်။ လဲကျသွားချိန်မှာတော့ အောင်လအန်ဆန်က ဗီရာရဲ့မျက်နှာကို ပွဲသိမ်းလက်သီးချက်တွေ ပစ်သွင်းပြီး ဒိုင်ပွဲရပ်နဲ့ အနိုင်ရခဲ့ပါတယ်။
မစ်ဒယ်ဝိတ်တန်းကမ္ဘာ့ချန်ပီယံခါးပတ်ကို ၃ ကြိမ်ကာကွယ်ထားခဲ့တဲ့ အောင်လအန်ဆန်းကတော့ အခု လိုက်ဟဲဗီးဝိတ်ချန်ပီယံ ခါးပတ်ကို ပထမဆုံးအကြိမ် ကာကွယ်ပြီး ဂျပန်မြေမှာ ဒုတိယအကြိမ် အောင်ပွဲခံနိုင်ခဲ့တာ ဖြစ်ပါတယ်။
ပွဲအပြီးမှာတော့ အောင်လအန်ဆန်က ပရိသတ်တွေကို အရမ်းချစ်ပြီး ဆက်ကြိုးစားမယ်လို့ ဒီဗွီဘီကို ပြောဆိုသွားပါတယ်။ 
