အင်းတော်တွင် စိတ်ကြွဆေးပြား ၁ သိန်းကျော် ဖမ်းဆီးမိ
DVB
·
October 13, 2019
စစ်ကိုင်းတိုင်း အင်းတော်မြို့နယ်မှာ အောက်တိုဘာ ၁၂ ရက်နေ့က စိတ်ကြွဆေးပြား ၁ သိန်းကျော် ဖမ်းဆီးရမိခဲ့တယ်လို့ ပြည်ထဲရေးက ထုတ်ပြန်ပါတယ်။
အင်းတော်မြို့နယ်၊ ရွှေဘို-မြစ်ကြီးနားကားလမ်း နန့်မကျိုင်းကျေးရွာ လမ်းဆုံမှာ အောက်တိုဘာလ ၁၂ ရက်နေ့ မွန်းလွဲပိုင်းက ရဲတပ်ဖွဲ့ဝင်တွေ ဦးစီးတဲ့ ပူးပေါင်းအဖွဲ့ဟာ သတင်းအရ အင်းတော်ဘက်ကနေ မိုးညှင်းဘက် ကျိန်ချင်လင် မောင်းနှင်ပြီး ကျိန်ချမ်းလှိုင်နဲ့ အားနိုင်တို့ လိုက်ပါလာတဲ့ MDY 1F/×××× Hilux Surf ယာဉ်အား စစ်ဆေးရာမှ ဆီတိုင်ကီအတွင်း ပလတ်စတစ်အိတ်တွေနဲ့ ထည့်ထားတဲ့ 88/1 စာတမ်းပါ စိတ်ကြွဆေးပြား ၁၂၄၂၀၀ ပြား၊ ဖုန်း ၄ လုံး၊ ငွေကျပ် ၆ သိန်းတို့ကို သိမ်းဆည်းရမိခဲ့ပါတယ်။
စိတ်ကြွဆေးတွေနဲ့ ဖမ်းဆီးမိခဲ့တဲ့ ကျိန်ချင်လင်အပါအဝင် ၃ ဦး (ဖမ်းမိ) အား အင်းတော်မြို့မရဲစခန်း မယ(ပ)၁၀၆/၂၀၁၉၊ မူး/စိတ်ပုဒ်မ ၁၉(က)/၂၀(က)/၂၁ နဲ့ အမှုဖွင့်ဆောင် ရွက်ထားတယ်လို့ သိရပါတယ်။