ထိုင်း-မြန်မာနယ်စပ် မယ်ဆိုင်မြို့ကနေ ထိုင်းနိုင်ငံအတွင်းပိုင်း ချင်းမိုင်မြို့ကို ဝင်လာတဲ့ အရေးပေါ်လူနာတင်ယာဉ် ၁ စီးပေါ်ကနေ စိတ်ကြွဆေးပြားပေါင်း ၆ သိန်းနီးပါး ဖမ်းဆီးရမိတယ်လို့ ထိုင်းရတ်သတင်းမှာ ဖော်ပြပါတယ် ။ စက်တင်ဘာ ၂၉ ရက်က ချင်းရိုင်းခရိုင် မယ်ဆိုင်ဘက်ကနေ ချင်းမိုင်ခရိုင်ကို ဝင်လာတဲ့ အရေးပေါ်လူနာတင်ကား ၁ စီးဟာ လမ်းပေါ်ကစစ်ဆေးရေးဂိတ်တွေကို ရပ်မပေးဘဲ အမြန်မောင်းလာတာ တွေ့လို့ အဆိုပါကားကို စစ်ဆေးဖို့ အမှတ် ၅ တိုင်းဒေသရဲဌာနချုပ်ရုံးက ချင်းမိုင်ရဲတပ်ဖွဲ့ကို အကြောင်းကြားခဲ့ကြောင်း ချင်းမိုင်မူးယစ်ရဲတပ်ဖွဲ့ ရဲမှူးကြီး ဝေါ်လဖုန်း ခမ်းလွေးက သတင်းထောက်တွေကို ပြောပါတယ် ။  အဆိုပါ အရေးပေါ်လူနာတင်ကားမှာ မယ်ဆိုင်မြို့ဘုန်းကြီးတစ်ပါးလှူဒါန်းတဲ့ ဖောင်ဒေးရှင်းတံဆိပ်ပါ စတစ်ကာကပ်ထားပြီး ချင်းမိုင်မြို့ပေါ်ရောက်တော့ ဟိုဟို ဒီဒီ မောင်းနေခဲ့ကြောင်း ၊ ည ၁၁ နာရီလောက်မှာ ပစ္စည်းလာ ယူမယ့်သူကို စောင့်ဆိုင်းစဉ် ရဲတပ်ဖွဲ့ဝင်တွေက ဝင်ရောက်စစ်ဆေးပြီး ကားပေါ်တင်ဆောင်လာတဲ့ စိတ်ကြွဆေး အလုံးရေ  ၅၉၂,၀၀၀ ဖမ်းဆီးရမိခဲ့တာလို့ ဆိုပါတယ် ။  ဒီကိစ္စနဲ့ ပတ်သက်ပြီး ထိုင်းလူမျိုး တရားခံ ၄ ဦးကို ဖမ်းဆီးထားကြောင်း ၊ စစ်ဆေးချက်အရ သူတို့ဟာ အရင်ကလည်း အခုလိုမူးယစ်ဆေးဝါးတွေ သယ်ဆောင်လာတာ ၆ ကြိမ်ထက်မနည်း ရှိခဲ့ပြီလို့ ဝန်ခံထားပြီး ၄ ဦးထဲမှာ အသက် ၁၇ နှစ်သာရှိသေးတဲ့ လူငယ် ၁ ဦး ပါဝင်လို့ သူ့ကိုတော့ ဆထန်ဖိနစ်လူငယ်ပြုပြင်ရေး ဂေဟာကို ပို့ဆောင်ထားတယ်လို့ ရဲမှူးကြီးက ပြောပါတယ် ။ ============================== မယ္ဆိုင္ကလာသည့္ အေရးေပၚလူနာတင္ကားေပၚတြင္ စိတ္ႂကြေဆးျပား ၆ သိန္းဖမ္းမိ နန္းျမနဒီ ထိုင္း-ျမန္မာနယ္စပ္ မယ္ဆိုင္ၿမိဳ႕ကေန ထိုင္းႏိုင္ငံအတြင္းပိုင္း ခ်င္းမိုင္ၿမိဳ႕ကို ဝင္လာတဲ့ အေရးေပၚလူနာတင္ယာဥ္ ၁ စီးေပၚကေန စိတ္ႂကြေဆးျပားေပါင္း ၆ သိန္းနီးပါး ဖမ္းဆီးရမိတယ္လို႔ ထိုင္းရတ္သတင္းမွာ ေဖာ္ျပပါတယ္ ။ စက္တင္ဘာ ၂၉ ရက္က ခ်င္း႐ိုင္းခ႐ိုင္ မယ္ဆိုင္ဘက္ကေန ခ်င္းမိုင္ခ႐ိုင္ကို ဝင္လာတဲ့ အေရးေပၚလူနာတင္ကား ၁ စီးဟာ လမ္းေပၚကစစ္ေဆးေရးဂိတ္ေတြကို ရပ္မေပးဘဲ အျမန္ေမာင္းလာတာ ေတြ႕လို႔ အဆိုပါကားကို စစ္ေဆးဖို႔ အမွတ္ ၅ တိုင္းေဒသရဲဌာနခ်ဳပ္႐ုံးက ခ်င္းမိုင္ရဲတပ္ဖြဲ႕ကို အေၾကာင္းၾကားခဲ့ေၾကာင္း ခ်င္းမိုင္မူးယစ္ရဲတပ္ဖြဲ႕ ရဲမႉးႀကီး ေဝၚလဖုန္း ခမ္းေလြးက သတင္းေထာက္ေတြကို ေျပာပါတယ္ ။ အဆိုပါ အေရးေပၚလူနာတင္ကားမွာ မယ္ဆိုင္ၿမိဳ႕ဘုန္းႀကီးတစ္ပါးလႉဒါန္းတဲ့ ေဖာင္ေဒးရွင္းတံဆိပ္ပါ စတစ္ကာကပ္ထားၿပီး ခ်င္းမိုင္ၿမိဳ႕ေပၚေရာက္ေတာ့ ဟိုဟို ဒီဒီ ေမာင္းေနခဲ့ေၾကာင္း ၊ ည ၁၁ နာရီေလာက္မွာ ပစၥည္းလာ ယူမယ့္သူကို ေစာင့္ဆိုင္းစဥ္ ရဲတပ္ဖြဲ႕ဝင္ေတြက ဝင္ေရာက္စစ္ေဆးၿပီး ကားေပၚတင္ေဆာင္လာတဲ့ စိတ္ႂကြေဆး အလုံးေရ  ၅၉၂,၀၀၀ ဖမ္းဆီးရမိခဲ့တာလို႔ ဆိုပါတယ္ ။ ဒီကိစၥနဲ႔ ပတ္သက္ၿပီး ထိုင္းလူမ်ိဳး တရားခံ ၄ ဦးကို ဖမ္းဆီးထားေၾကာင္း ၊ စစ္ေဆးခ်က္အရ သူတို႔ဟာ အရင္ကလည္း အခုလိုမူးယစ္ေဆးဝါးေတြ သယ္ေဆာင္လာတာ ၆ ႀကိမ္ထက္မနည္း ရွိခဲ့ၿပီလို႔ ဝန္ခံထားၿပီး ၄ ဦးထဲမွာ အသက္ ၁၇ ႏွစ္သာရွိေသးတဲ့ လူငယ္ ၁ ဦး ပါဝင္လို႔ သူ႔ကိုေတာ့ ဆထန္ဖိနစ္လူငယ္ျပဳျပင္ေရး ေဂဟာကို ပို႔ေဆာင္ထားတယ္လို႔ ရဲမႉးႀကီးက ေျပာပါတယ္ ။