စစ်ကိုင်းမြို့ ဒုတိယအကြီးဆုံး ရွှေမင်းဝံ အဆင့်မြင့်စျေးသစ်ကြီး ဖွင့်လှစ်

စစ်ကိုင်းတိုင်း၊ စစ်ကိုင်းမြို့၊ ရွှေမင်းဝံရပ်ကွက်မှာ စစ်ကိုင်းမြို့ရဲ့ ဒုတိယအကြီးဆုံး ရွှေမင်းဝံ အဆင့်မြင့်စျေးသစ်ကြီးကို သြဂုတ်လ ၂၅ ရက်နေ့က ဖွင့်လှစ်လိုက်ပါတယ်။ စစ်ကိုင်းတိုင်းဝန်ကြီးချုပ်ဒေါက်တာမြင့်နိုင်က “တိုးတက်လာတဲ့ခေတ်နဲ့အညီ အခုလို အဆင့်မြင့်စျေးကြီးတွေ ဆောက်ဖို့ လိုအပ်ပါတယ်။ စစ်ကိုင်းမြို့သူမြို့သားတွေဟာ တချိန်က မြို့မစျေးကြီးတခုတည်းကိုသာ အားထားနေကြရတယ်။ အခုဆို ရွှေမင်းဝံ အဆင့်မြင့်စျေးသစ်ကြီး ပေါ်လာတာကြောင့် အရောင်းအဝယ်တွေ ဖွံ့ဖြိုးတိုးတက်လာသလို တိုင်းပြည်လည်း ဖွံ့ဖြိုးတိုးတက်လာမှာ ဖြစ်တယ်။” စစ်ကိုင်းမြိုဟာ မြို့ပေါ်ရပ်ကွက် ၂၃ ရပ်ကွက်ရှိပြီး မြို့ပြလူဦးရေက ရှစ်သောင်းနီးပါးရှိကာ ကျေးလက်ဒေသ လူဦးရေက နှစ်သိန်းနီးပါးရှိတဲ့ မြို့လည်း ဖြစ်ပါတယ်။ အမေ့နန်းတော်ကုမ္ပဏီက သိန်းပေါင်း ၁ သောင်းကျော် အကုန်အကျခံပြီး ၂၀၁၈ ခုနှစ်က စတင် တည်ဆောက်ခဲ့တာလည်း ဖြစ်ပါတယ်။ ရွှေမင်းဝံ အဆင့်မြင့်စျေးသစ်ကြီးမှာ နှစ်ထပ်စျေး ဖြစ်ပြီး ဆိုင်ခန်းတွေအနေနဲ့ ရွှေမင်းဝံရပ်ကွက် ၂၅ လမ်း၊ မျက်နှာလှည့် မြေညီထပ်ဆိုင်ခန်းများ (၁၀ ပေ၊ ၁၂ ပေ) တခန်းကို ကျပ်သိန်း ၂၀၀၊ ၈ လမ်း မျက်နှာလှည့် မြေညီထပ်ဆိုင်ခန်း (၁၀ ပေ၊ ၁၂ ပေ)ကို သိန်း ၁၅၀ အတွင်းလှည့် ဆိုင်ခန်းများကို သိန်း ၁၀၀ အပေါ်ထပ် အခန်းအတွင်းလှည့် (၁၀ ပတ်လည်) ကို ၇၅ သိန်း၊ အမိုးပါ အကာမဲ့ ဆိုင်ခန်းတခန်းကို ၁၅ သိန်းနဲ့ လေးကြိမ် အရစ်ကျ ရောင်းချပေးခဲ့ပါတယ်။  ပျံကျဆိုင်ခန်းတွေကို အခမဲ့ ရောင်းချခွင့်ပြုသွားမှာဖြစ်ပြီး ရွှေမင်းဝံ အဆင့်မြင့် ဈေးသစ်ပုံစံဟာ (ယူ) ပုံစံ ဆောက်လုပ်ထားပြီး အခန်းပေါင်း ၂၂၂ ခန်းနဲ့ တည်ဆောက်ထားတဲ့ စျေးကြီးတစျေးလည်း ဖြစ်ပါတယ်။ ~~~~~~~~~~~~~~~~~~~~~~~~~~~~~~~~~~~~~~ Zawgyi_version စစ္ကိုင္းၿမိဳ႕ ဒုတိယအႀကီးဆုံး ေ႐ႊမင္းဝံ အဆင့္ျမင့္ေစ်းသစ္ႀကီး ဖြင့္လွစ္ စစ္ကိုင္းတိုင္း၊ စစ္ကိုင္းၿမိဳ႕၊ ေ႐ႊမင္းဝံရပ္ကြက္မွာ စစ္ကိုင္းၿမိဳ႕ရဲ႕ ဒုတိယအႀကီးဆုံး ေ႐ႊမင္းဝံ အဆင့္ျမင့္ေစ်းသစ္ႀကီးကို ၾသဂုတ္လ ၂၅ ရက္ေန႔က ဖြင့္လွစ္လိုက္ပါတယ္။ စစ္ကိုင္းတိုင္းဝန္ႀကီးခ်ဳပ္ေဒါက္တာျမင့္ႏိုင္က “တိုးတက္လာတဲ့ေခတ္နဲ႔အညီ အခုလို အဆင့္ျမင့္ေစ်းႀကီးေတြ ေဆာက္ဖို႔ လိုအပ္ပါတယ္။ စစ္ကိုင္းၿမိဳ႕သူၿမိဳ႕သားေတြဟာ တခ်ိန္က ၿမိဳ႕မေစ်းႀကီးတခုတည္းကိုသာ အားထားေနၾကရတယ္။ အခုဆို ေ႐ႊမင္းဝံ အဆင့္ျမင့္ေစ်းသစ္ႀကီး ေပၚလာတာေၾကာင့္ အေရာင္းအဝယ္ေတြ ဖြံ႕ၿဖိဳးတိုးတက္လာသလို တိုင္းျပည္လည္း ဖြံ႕ၿဖိဳးတိုးတက္လာမွာ ျဖစ္တယ္။” စစ္ကိုင္းၿမိဳဟာ ၿမိဳ႕ေပၚရပ္ကြက္ ၂၃ ရပ္ကြက္ရွိၿပီး ၿမိဳ႕ျပလူဦးေရက ရွစ္ေသာင္းနီးပါးရွိကာ ေက်းလက္ေဒသ လူဦးေရက ႏွစ္သိန္းနီးပါးရွိတဲ့ ၿမိဳ႕လည္း ျဖစ္ပါတယ္။ အေမ့နန္းေတာ္ကုမၸဏီက သိန္းေပါင္း ၁ ေသာင္းေက်ာ္ အကုန္အက်ခံၿပီး ၂၀၁၈ ခုႏွစ္က စတင္ တည္ေဆာက္ခဲ့တာလည္း ျဖစ္ပါတယ္။ ေ႐ႊမင္းဝံ အဆင့္ျမင့္ေစ်းသစ္ႀကီးမွာ ႏွစ္ထပ္ေစ်း ျဖစ္ၿပီး ဆိုင္ခန္းေတြအေနနဲ႔ ေ႐ႊမင္းဝံရပ္ကြက္ ၂၅ လမ္း၊ မ်က္ႏွာလွည့္ ေျမညီထပ္ဆိုင္ခန္းမ်ား (၁၀ ေပ၊ ၁၂ ေပ) တခန္းကို က်ပ္သိန္း ၂၀၀၊ ၈ လမ္း မ်က္ႏွာလွည့္ ေျမညီထပ္ဆိုင္ခန္း (၁၀ ေပ၊ ၁၂ ေပ)ကို သိန္း ၁၅၀ အတြင္းလွည့္ ဆိုင္ခန္းမ်ားကို သိန္း ၁၀၀ အေပၚထပ္ အခန္းအတြင္းလွည့္ (၁၀ ပတ္လည္) ကို ၇၅ သိန္း၊ အမိုးပါ အကာမဲ့ ဆိုင္ခန္းတခန္းကို ၁၅ သိန္းနဲ႔ ေလးႀကိမ္ အရစ္က် ေရာင္းခ်ေပးခဲ့ပါတယ္။ ပ်ံက်ဆိုင္ခန္းေတြကို အခမဲ့ ေရာင္းခ်ခြင့္ျပဳသြားမွာျဖစ္ၿပီး ေ႐ႊမင္းဝံ အဆင့္ျမင့္ ေဈးသစ္ပုံစံဟာ (ယူ) ပုံစံ ေဆာက္လုပ္ထားၿပီး အခန္းေပါင္း ၂၂၂ ခန္းနဲ႔ တည္ေဆာက္ထားတဲ့ ေစ်းႀကီးတေစ်းလည္း ျဖစ္ပါတယ္။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up